കൊച്ചി : മണി ചെയിന് കമ്പനിയുടെ പേരില് കോടികളുടെ തട്ടിപ്പ് നടത്തിയ പ്രൊമോട്ടര്മാരായ രണ്ട് പേര് പിടിയില്. എറണാകുളം സ്വദേശികളായ ബെന്സണ്, ജോഷി എന്നിവരാണ് പിടിയിലായത്. വെണ്ണല സ്വദേശിയുടെ പരാതിയുടെ അടിസ്ഥാനത്തിലാണ് നടപടി.
യുഎഇയില് 2019ല് രജിസ്റ്റര് ചെയ്ത ‘ക്രൗഡ് വണ്’ എന്ന കമ്പനിയുടെ പേരിലാണ് ഇരുവരും ജനങ്ങളില് നിന്നും നിക്ഷേപം സ്വീകരിച്ചിരുന്നത്. രണ്ട് വര്ഷം കൊണ്ട് കമ്പനിയുടെ പേരില് കോടികളാണ് ഇവര് തട്ടിയെടുത്തത്. ഈ പണം മുഴുവന് ബിറ്റ്കോയ്നിലേയ്ക്ക് മാറ്റി.
കേസുമായി ബന്ധപ്പെട്ട് രണ്ട് പ്രധാന പ്രതികളെക്കുറിച്ചുള്ള സൂചന ലഭിച്ചതായും പോലീസ് അറിയിച്ചു. ആഢംബര ജീവിതത്തിനായാണ് പ്രതികള് ഈ പണം ഉപയോഗിച്ചിരുന്നതെന്നും കണ്ടെത്തിയിട്ടുണ്ട്.
സ്വീഡന് സ്വദേശിയാണ് കമ്പനിയുടെ ഉടമയെന്ന് പ്രതികള് പറയുന്നുണ്ടെങ്കിലും പണമിടപാടുകളില് പലതും കേരളത്തില് വെച്ചാണ് നടന്നിട്ടുള്ളത്. അതേസമയം സംസ്ഥാനത്തെ ഒരു മുന് മന്ത്രിയുടെ ബന്ധുവിനും തട്ടിപ്പില് പ്രധാന പങ്കുണ്ടെന്നാണ് പരാതിക്കാരുടെ ആരോപണം. ഈ സ്വാധീനത്തിന്റെ പുറത്താണ് ഇവര് കോടികള് തട്ടിയെടുത്തതെന്നുമാണ് ആരോപിക്കുന്നത്.
