കൊല്ലം: സ്വാതന്ത്ര്യം 75 അമൃതോത്സവം പരിപാടിയുടെ ഭാഗമായി അമൃതോത്സവം സംഘാടകസമിതിയുടെ നേതൃത്വത്തില് വേലുത്തമ്പി ദളവ സ്മൃതി യാത്ര ഏപ്രില് അഞ്ച്, ആറ് തീയതികളില് നടക്കും.
സ്മൃതിയാത്രയ്ക്ക് തുടക്കം കുറിച്ച് ഏപ്രില് അഞ്ചിന് രാവിലെ 10ന് കുണ്ടറ ഗുരുദേവ ആഡിറ്റോറിയത്തില് നടക്കുന്ന പരിപാടിയില് ആര്എസ്എസ് ക്ഷേത്രീയ സഹകാര്യവാഹ് എം.രാധാകൃഷ്ണന് മുഖ്യപ്രഭാഷണം നടത്തും. മുളവന, ചിറ്റുമല, ഭരണിക്കാവ്, ശാസ്താംനട, ഏഴാംമൈല്, കടമ്പനാട്, മാഞ്ഞാലി സ്വീകരണങ്ങള്ക്കു ശേഷം ആദ്യ ദിവസത്തെ യാത്ര മണ്ണടിയില് സമാപിക്കും ആറിന് രാവിലെ മണ്ണിനടിയില് നിന്ന് ആരംഭിക്കും. കലയപുരം, മൈലം, കൊട്ടാരക്കര(പൊതു പരിപാടി), വാളകം, ആയുര്, ചടയമംഗലം, കിളിമാനൂര്, വെഞ്ഞാറമൂട്, വെമ്പായം, വട്ടപ്പാറ, മണ്ണന്തല സ്വീകരണങ്ങള്ക്ക് ശേഷം കണ്ണമ്മൂലയില് നടക്കുന്ന പൊതു പരിപാടിയോട് കൂടി യാത്ര സമാപിക്കും.
