കൊല്ലം: ദേശീയവാദികളുടെ പ്രചോദനമായ വേലുത്തമ്പിദളവയുടെ ജീവാഹൂതിദിനത്തില്‍ വിളംബരത്തറയില്‍ പുഷ്പാര്‍ച്ചനയും പ്രാര്‍ഥനയും. സ്വാതന്ത്ര്യത്തിന്റെ എഴുപത്തിയഞ്ചാം വാര്‍ഷികം അമൃതോത്സവമായി ആചരിക്കുന്നതിന്റെ ഭാഗമായാണ് പരിപാടി സംഘടിപ്പിച്ചത്.
നാടിന്റെ ധീരനായകന്‍ ബ്രിട്ടീഷുകാര്‍ക്കെതിരെ പരസ്യപോരാട്ടത്തിന് തുടക്കം കുറിച്ച ഇളമ്പള്ളൂര്‍ ക്ഷേത്രത്തിലെ കുണ്ടറ വിളംബരത്തറയിലായിരുന്നു പുഷ്പാര്‍ച്ചനയും 75 ദീപം തെളിയിക്കലും സംഘടിപ്പിച്ചത്.
രാഷ്‌ട്രീയ സ്വയംസേവക സംഘം പ്രാന്ത സഹസമ്പര്‍ക്ക പ്രമുഖ് സി.സി. സെല്‍വന്‍, സംഭാഗ് കാര്യവാഹ് വി. മുരളീധരന്‍, വിഭാഗ് കാര്യവാഹ് ബാഹുലേയന്‍, ഇളമ്പള്ളൂര്‍ ദേവസ്വം പ്രസിഡന്റ് രാധാകൃഷ്ണപിള്ള എന്നിവര്‍ പങ്കെടുത്തു. ഇന്ന് മണ്ണടിയിലും പരിപാടികള്‍ സംഘടിപ്പിക്കും.
