ന്യൂദല്ഹി: ബഹ്റിന്, ബെലോറസ്് ടീമുകള്ക്കെതിരായ രാജ്യാന്തര സൗഹൃദ ഫുട്ബോള് മത്സരങ്ങള്ക്കുളള ഇന്ത്യന് ടീമില് മലയാളി താരം വി.പി. സുഹൈറിനെ ഉള്പ്പെടുത്തി. ഇരുപത്തിയഞ്ച് അംഗ ടീമിനെ മുഖ്യ പരിശീലകന് ഇഗോര് സ്റ്റിമാച്ച് ഇന്നലെ പ്രഖ്യാപിച്ചു. എഎഫ്സി ഏഷ്യന് കപ്പ് അവസാന റൗണ്ട് യോഗ്യതാ മത്സരത്തിനുള്ള തയ്യാറെടുപ്പിന്റെ ഭാഗമായാണ് സൗഹൃദ മത്സരങ്ങള് നടത്തുന്നത്്. ബഹ്റിനില് ഈ മാസം 23 നും 26 നുമാണ് മത്സരങ്ങള്.
എഎഫ്സി ഏഷ്യന് കപ്പ് അവസാന റൗണ്ട് യോഗ്യതാ മത്സരങ്ങള് കൊല്ക്കത്തയില് ജൂണ് എട്ട് മുതല് നടക്കും. ഇന്ത്യ ഗ്രൂപ്പ് ഡി യിലാണ് മത്സരിക്കുന്നത്. ഹോങ്കോങ്, അഫ്ഗാനിസ്ഥാന്, കംബോഡിയ എന്നിവയാണ് ഈ ഗ്രൂപ്പിലെ മറ്റ് ടീമുകള്. യോഗ്യതാ ടൂര്ണമെന്റില് 24 ടീമുകള് ആറു ഗ്രൂപ്പുകളിലായി മത്സരിക്കും. ആറു ഗ്രൂപ്പ് ജേതാക്കള്ക്കും ഏറ്റവും മികച്ച അഞ്ച് രണ്ടാം സ്ഥാനക്കാര്ക്കും ഏഷ്യന് കപ്പിന് യോഗ്യത ലഭിക്കും. ചൈനയില് 2023 ലാണ് ഏഷ്യന് കപ്പ്.
