സ്കൂള്കുട്ടികള്ക്കായി ഐഎസ്ആര്ഒ സംഘടിപ്പിക്കുന്ന യംഗ് സയന്റിസ്റ്റ് പ്രോഗ്രാം അഥവാ ‘യുവിക-2022’- ല് പങ്കെടുക്കുന്നതിന് ഏപ്രില് 10 നകം രജിസ്റ്റര് ചെയ്യാവുന്നതാണ്. വിദ്യാര്ത്ഥികളില് ബഹിരാകാശ ശാസ്ത്ര- സാങ്കേതിക അവബോധം സൃഷ്ടിക്കുകയാണ് ലക്ഷ്യം. സയന്സ്, ടെക്നോളജി, എന്ജിനീയറിങ്, മാത്തമാറ്റിക്സ് (സ്റ്റെം) വിഷയങ്ങളില് റിസര്ച്ച്/കരിയര് ആഗ്രഹിക്കുന്ന കുട്ടികള്ക്ക് ഇത് പ്രചോദനമാകും.
‘യുവിക 2022’- മേയ് 16 മുതല് 28 വരെയുള്ള രണ്ടാഴ്ചത്തെ റസിഡന്ഷ്യല് പ്രോഗ്രാമാണ്. ദേശീയതലത്തില് 150 വിദ്യാര്ത്ഥികള്ക്കാണ് പ്രവേശനം. ഒന്പതാം ക്ലാസ് വിദ്യാര്ത്മികള്ക്കാണ് അവസരം.
വിശദവിവരങ്ങളടങ്ങിയ ഇതു സംബന്ധിച്ച വിജ്ഞാപനം www.isro.gov.in- ല് ലഭ്യമാണ്. രജിസ്ട്രേഷനുള്ള നിര്ദ്ദേശങ്ങളും സെലക്ഷന് നടപടിക്രമങ്ങളും വിജ്ഞാപനത്തിലുണ്ട്. തെരഞ്ഞെടുക്കപ്പെടുന്ന വിദ്യാര്ത്ഥികള്ക്ക് ശാസ്ത്രജ്ഞരുടെ ക്ലാസുകളില് പങ്കെടുക്കാനും ബഹിരാകാശ ശാസ്ത്ര- സാങ്കേതിക ലാബുകള് കാണാനും ഐഎസ്ആര്ഒയുടെ വിവിധ കേന്ദ്രങ്ങള് സന്ദര്ശിക്കാനുമൊക്കെ അവസരം ലഭിക്കും.
