ബെംഗളൂരു: ഹിജാബ് ധരിക്കുന്നതിനെ എതിര്‍ക്കുന്നവരെ തുണ്ടം തുണ്ടമാക്കുമെന്ന് പ്രസംഗിച്ച കോണ്‍ഗ്രസ് നേതാവ് മുക്കാറാം ഖാനെ കര്‍ണ്ണാടക പൊലീസ് ചൊവ്വാഴ്ച അറസ്റ്റ് ചെയ്തു. കഴിഞ്ഞ ദിവസം ഇദ്ദേഹം നടത്തിയ വര്‍ഗ്ഗീയ വിഷം ചീറ്റുന്ന പ്രസംഗത്തിന്റെ വീഡിയോ സമൂഹമാധ്യമങ്ങളില്‍ വൈറലായിരുന്നു.
ഹൈദരാബാദില്‍ നിന്നാണ് കല്‍ബുര്‍ഗി പൊലീസ് മുക്കാറാം ഖാനെ കസ്റ്റഡിയിലെടുത്തത്. ഇന്ത്യന്‍ ശിക്ഷാനിയമത്തിലെ 153(എ), 298, 295 എന്നീ വകുപ്പുകള്‍ പ്രകാരം മുക്കാറാം ഖാനെതിരെ കേസെടുത്തു.
വിവാദ പ്രസംഗത്തില്‍ മുക്കാറാം ഖാന്‍ പ്രസംഗിച്ചതിങ്ങിനെ: ‘ഞങ്ങള്‍ ജനിച്ച് വളര്‍ന്നത് ഇവിടെയാണ്. ഞങ്ങള്‍ ജീവിക്കുകയും ഞങ്ങളുടെ ജീവിതം അവസാനിപ്പിക്കുകയും ഇവിടെ ഇന്ത്യയിലായിരിക്കും. ഹിജാബിനെ എതിര്‍ക്കുന്നവരെ തുണ്ടം തുണ്ടമാക്കും. ഒരു ദിവസം നമ്മള്‍ എല്ലാവരും മരിക്കും. പക്ഷെ ഞങ്ങളുടെ മതത്തെ വ്രണപ്പെടുത്തരുത്. എല്ലാ മതങ്ങളും തുല്ല്യമാണ്. ഒരു മതവും അനീതിയാല്‍ യാതന അനുഭവിക്കേണ്ടി വരരുത്. നിങ്ങള്‍ക്ക് എന്തും ധരിക്കാം. ആരാണ് നിങ്ങളെ തടയുക? ഇത് ഞങ്ങള്‍ സഹിക്കില്ല.’
പ്രതികരിക്കാൻ ഇവിടെ എഴുതുക: