കൊല്ലം: ഇളമ്പള്ളൂര് പഞ്ചായത്തില് പെരുമ്പുഴ, കാമ്പിക്കട, സൊസൈറ്റി ജംഗ്ഷന്, കന്യാകുഴി, ചിറയടി, ആലുംമൂട് എന്നീ സ്ഥലങ്ങളിലൂടെ പോകുന്ന കനാലില് വെള്ളമൊഴുക്കാത്തതിനാല് ജലക്ഷാമം രൂക്ഷമായി. സാധാരണ വേനലിന് മുന്പ് പഞ്ചായത്ത് അധികൃതര് തൊഴിലുറപ്പ് പദ്ധതിയില് ഉള്പ്പെടുത്തി കനാല് വ്യത്തിയാക്കി കനാലില്ക്കൂടി വെള്ളം ഒഴുക്കുമായിരുന്നു. എന്നാല് ഇത്തവണ ഇതുവരെയും കനാല് വ്യത്തിയാക്കാത്തതിനാല് വെള്ളം ഇറിഗേഷന് ഉദ്യോഗസ്ഥര് ഒഴുക്കി വിട്ടിട്ടില്ല. ഇതു മൂലം ജലക്ഷാമം രൂക്ഷമായിരിക്കുകയാണ്.
പലരും വെള്ളം വിലയ്ക്കു വാങ്ങി ഉപയോഗിക്കുകയാണ്.കൃഷി, മ്യഗ പരിപാലനം മുതലായവയ്ക്ക് ആവശ്യത്തിന് വെള്ളമില്ല. കനാലില്ക്കൂടി വെള്ളം ഒഴുക്കിയാല് വീടുകളിലെ കിണറ്റിലും, കുളങ്ങള്, തോടുകള് വയലുകള് എന്നിവിടങ്ങളില് വെള്ളമെത്തുകയും ഇത് ജനങ്ങള്ക്ക് പ്രയോജനപ്രദമാകുന്നതുമായിരുന്നു. എത്രയും വേഗം കനാല് വ്യത്തിയാക്കി വെള്ളം ഒഴുക്കിവിടണമെന്ന് നാട്ടുകാര് പറയുന്നു.
