ഇടുക്കി: പിറന്നാളാഘോഷിക്കാനായി എത്തിയ സംഘത്തിലെ പെൺകുട്ടിയെ ഇടുക്കി ജലാശയത്തിൽ വീണ് കാണാതായി. ഇടുക്കി വാഴവരയ്‌ക്ക് സമീപം അഞ്ചുരുളി ജലാശയത്തിലാണ് എറണാകുളത്ത് നിന്നുള്ള എട്ടംഗ സംഘം അപകടത്തിൽ പെട്ടത്. സംഘത്തിൽ ഏഴ് പെൺകുട്ടികളും ഒരു പെൺകുട്ടിയുടെ പിതാവും ഉണ്ടായിരുന്നു.
ആറ് പേരെ രക്ഷപ്പെടുത്തി. കാണാതായ പെൺകുട്ടിക്ക് വേണ്ടി തെരച്ചിൽ തുടരുകയാണ്. നാട്ടുകാരാണ് അപകടത്തിൽ പെട്ടവരെ രക്ഷപ്പെടുത്തിയത്. വിജനമായ പ്രദേശമാണ്. അതിനാൽ രക്ഷാപ്രവർത്തകർക്ക് എത്തിപ്പെടാൻ ബുദ്ധിമുട്ടുണ്ട്.
