ചെങ്ങന്നൂര്: ബൈക്ക് കെഎസ്ആര്ടിസി ബസിലിടിച്ച് ബന്ധുക്കളായ യുവതിക്കും യുവാവിനും ദാരുണാന്ത്യം. ചാരുംമൂട് ചുനക്കര തെക്ക് കൊപ്പാറയില് എ.ജെ വില്ലയില് അലന് ജെ.തോമസ്(27), ബന്ധുവായ ചാരുംമൂട് ചുനക്കര തെക്ക് നമ്പോഴില് ജയിന് വില്ലയില് ജെന്സി ആന് ജോസ്(25) എന്നിവരാണ് മരിച്ചത്.
ഉച്ചയ്ക്ക് ഒരു മണിയോടെ കല്ലിശ്ശേരി പാലത്തിനു സമീപത്താണ് അപകടം ഉണ്ടായത്. തിരുവല്ല താലൂക്ക് ആശുപത്രിയിലെ ഡയാലിസിസ് ടെക്നീഷ്യനാണ് ജെന്സി. ഉച്ചയ്ക്ക് ഡൂട്ടിക്കായി ആശുപത്രിയിലേക്ക് പോകുമ്പോഴാണ് അപകടത്തില് പെട്ടത്. ചെങ്ങന്നൂര് ഭാഗത്തു നിന്നും തിരുവല്ലയിലേയ്ക്ക് പോകുകയായിരുന്നു അലനും ജെന്സിയും സഞ്ചരിച്ചിരുന്ന ബൈക്കിന്റെ പിറകുവശത്തെ ടയര് പൊട്ടി നിയന്തം വിട്ട് എതിരെ വന്ന കെ.എസ്.ആര്.ടി.സി ബസ്സില് ഇടിക്കുകയായിരുന്നു.
കോട്ടയം ഭാഗത്തു നിന്നും അടൂരിലേക്ക് വരുകയായിരുന്നു. കെഎസ്ആര്ടിസി സൂപ്പര് ഫാസ്റ്റ് ബസ്. ഗുരുതര പരിക്കേറ്റ ഇരുവരെയും ചെങ്ങന്നൂര് ജില്ലാ ആശുപത്രിയില് എത്തിച്ചെങ്കിലും ജീവന് രക്ഷിക്കാനായില്ല. ചെങ്ങന്നൂര് പോലീസ് മേല് നടപടി സ്വീകരിച്ചു.
