ലണ്ടന്: ആറു ഗോള് പിറന്ന ത്രില്ലര് പോരാട്ടത്തില് മാഞ്ചസ്റ്റര് യുണൈറ്റഡിന് തകര്പ്പന് വിജയം. പ്രീമിയര് ലീഗില് അവര് രണ്ടിനെതിരെ നാലു ഗോളുകള്ക്ക് ലീഡ്സ് യുണൈറ്റഡിനെ പരാജയപ്പെടുത്തി. ഹാരി മഗ്വയര്, ബ്രൂണോ ഫെര്ണാണ്ടസ്, ഫ്രെഡ്, ആന്റണി എലംഗ എന്നിവരാണ് മാഞ്ചസ്റ്റര് യുണൈറ്റഡിനായി ഗോളുകള് നേടിയത്. ലീഡ്സ് യുണൈറ്റഡിനായി റോഡ്രിഗോയും റാഫിന്ഹയും സ്്കോര് ചെയ്തു.
ഈ വിജയത്തോടെ മാഞ്ചസ്റ്റര് യുണൈറ്റഡ് വീണ്ടും നാലാം സ്ഥാനത്ത് തിരിച്ചെത്തി. 26 മത്സരങ്ങളില് അവര്ക്ക് 26 പോയിന്റുണ്ട്. അഞ്ചാം സ്ഥാനത്തുള്ള വെസ്റ്റ് ഫാം, ആറാം സ്ഥാനത്തുള്ള ആഴ്സണല് എന്നീ ടീമുകളെക്കാള് നാലു പോയിന്റിന് മുന്നിലാണ് മാഞ്ചസ്റ്റര് യുണൈറ്റഡ്.
മറ്റൊരു മത്സരത്തില് വൂള്വര്ഹാംപ്റ്റണ് ഒന്നിനെതിരെ രണ്ട് ഗോളുകള്ക്ക് ലെസ്റ്റര് സിറ്റിയെ തോല്പ്പിച്ചു. റൂബന്, ഡാനിയല് എന്നിവരാണ് വൂള്വര്ഹാംപറ്റണായി ഗോളുകള് നേടിയത്. ലെസ്റ്റര് സിറ്റിയുടെ ഏക ഗോള് ലുക്ക്മാന്റെ വകയായിരുന്നു.
ഈ വിജയത്തോടെ വുള്വര്ഹാംപ്റ്റണ് 24 മത്സരങ്ങളില് നാല്പ്പത് പോയിന്റുമായി ഏഴാം സ്ഥാനത്തെത്തി. അതേസമയം ലെസ്റ്റര് സിറ്റി 23 മത്സരങ്ങളില് 27 പോയിന്റുമായി പതിനൊന്നാം സ്ഥാനത്താണ്്.
