ഐ.എസ്.ആര്.ഒ ശാസ്ത്രഞ്ജനായിരുന്ന നമ്പി നാരായണന്റെ ജീവിതം ആസ്പദമാക്കി ഒരുക്കിയ ചിത്രം ‘റോക്കട്രി ദി നമ്പി എഫ്ക്ട്’ റിലീസിനൊരുങ്ങുന്നു. ആര്. മാധവന് സംവിധായകനും നായകനായുമായാണ് ചിത്രത്തില് എത്തുന്നത്. 2022 ഏപ്രില് ഒന്നിനായിരുന്നു ചിത്രത്തിന്റെ റിലീസ് ആദ്യം പ്രഖ്യാപിച്ചിരുന്നത്. എന്നാല് ചില സാങ്കേതിക കാരണങ്ങളാല് മാറ്റുകയായിരുന്നെന്ന് നിര്മ്മാതാവ് ഡോ.വര്ഗീസ് മൂലന് പത്രസമ്മേളനത്തില് അറിയിച്ചു.
ജൂലായ് ഒന്നിന് ലോകവ്യാപകമായി ചിത്രം റിലീസിനെത്തും. ഒരേ സമയം ഇംഗ്ലീഷിലും, ഹിന്ദിയിലും, തമിഴിലും ചിത്രീകരിച്ച് മലയാളം, തെലുഗ്, കന്നഡ ഭാഷാകളിലേക്ക് മൊഴിമാറ്റം നടത്തിയ റോക്കട്രി സിനിമയില് നമ്പി നാരായണനായി മാധവനും, പ്രമുഖ നടന്മാരായി ഷാരൂഖ് ഖാനും, സൂര്യയും വേഷമിടുന്നു. സിമ്രാനാണ് മാധവന്റെ നായിക. മാധവനാണ് രചനയും സംവിധാനാവും നിര്വ്വഹിക്കുന്നത്. ഫിലിസ് ലോഗന്, വിന്സെന്റ് റിയോട്ട, റോണ് ഡൊനൈചെ തുടങ്ങിയ ഹോളിവുഡ് താരങ്ങളും രജിത് കപൂര്, രവി രാഘവേന്ദ്ര, മിഷ ഘോഷാല്,ഗുല്ഷന് ഗ്രോവര്, കാര്ത്തിക് കുമാര്, ദിനേഷ് പ്രഭാകര് തുടങ്ങിയ ഇന്ത്യന് താരങ്ങളും റോക്കട്രിയില് അണിനിരക്കുന്നു.
അവിശ്വസനീയമായ ഒരു യഥാര്ത്ഥ കഥയെ അടിസ്ഥാനമാക്കിയാണ് ഈ സിനിമ ചിത്രീകരിചിരിക്കുന്നത്. ഐഎസ്ആര്ഒ ചാരക്കേസില് വേട്ടയാടപ്പെട്ട ശാസ്ത്രജ്ഞന് നമ്പി നാരായണന്റെ ജീവിത കഥ പറയുന്ന സിനിമയാണ് റോക്കട്രി ദി നമ്പി എഫക്ട്. നമ്പി നാരായണന്റെ ജീവിതത്തിലെ ഏറ്റവും സംഭവാത്മകമായ 27 വയസ്സു മുതല് 70 വയസ്സു വരെയുള്ള കാലഘട്ടമാണ് സിനിമയുടെ പ്രമേയം.ചിത്രത്തിന്റെ തിരക്കഥ തയാറാക്കിയതും മാധവനാണ്. മലയാളം, തമിഴ്, ഇംഗ്ലീഷ് ഉള്പ്പെടെ ആറ് ഭാഷകളിലാണ് ചിത്രം പുറത്തിറങ്ങുന്നത്. അറബിക്, ഫ്രഞ്ച്, സ്പാനീഷ്, ജര്മ്മന്, ചൈനീസ്, റഷ്യന്, ജാപ്പാനീസ് തുടങ്ങിയ അന്താരാഷ്ട്ര ഭാഷകളിലും ചിത്രം ഒരുങ്ങുന്നുണ്ട്. മാധവന്റെ ട്രൈ കളര് ഫിലിംസും ഡോക്ടര് വര്ഗീസ് മൂലന്റെ വര്ഗീസ് മൂലന് പിക്ചേഴ്സിന്റെയും ബാനറിലാണ് ചിത്രം നിര്മിക്കുന്നത്. 100 കോടിക്ക് മുകളിലാണ് ചിത്രത്തിന്റെ ചിലവ്.
1994 നവംബര് 30ന് ചാരവൃത്തി ആരോപിച്ച് നമ്പി നാരാണനെ അറസ്റ്റ് ചെയ്യുകയും അന്പതു ദിവസം ജയിലില് അടക്കുകയുമുണ്ടായി. ഐഎസ്ആര്ഒ വികസിപ്പിച്ചു കൊണ്ടിരുന്ന ക്രയോജനിക് എഞ്ചിന് സാങ്കേതികവിദ്യയെ ചുറ്റിപ്പറ്റിയായിരുന്നു ചാരവൃത്തി ആരോപണം. പിന്നീട് നിരപരാധിയാണന്നു മനസിലാക്കി 1998ല് സുപ്രീം കോടതി നമ്പി നാരായണനെ കുറ്റവിമുക്തനാക്കി. ഈ കേസിനെ അടിസ്ഥാനമാക്കിയാണ് സിനിമ. വിവിധ പ്രായത്തിലുള്ള നമ്പി നാരായണനെ അവതരിപ്പിക്കുന്നതിനായി മാധവന് നടത്തിയ ശാരീരിക മാറ്റങ്ങളും, മേക്ക്ഓവറുകളും വൈറലായിരുന്നു. ക്യാപ്റ്റന്, വെള്ളം എന്നീ സിനിമകളുടെ സംവിധായകന് പ്രജേഷ് സെന് ചിത്രത്തിന്റെ കോഡയറക്ടറാണ്. ശ്രീഷ റായ് ആണ് ചിത്രത്തിന്റെ ക്യാമറ. എഡിറ്റിംഗ്: ബിജിത്ത് ബാല, സംഗീതം: സാം സി.എസ്, പി.ആര്.ഒ : പി.ശിവപ്രസാദ് എന്നിവരാണ് മറ്റ് അണിയറ പ്രവര്ത്തകര്.
