അഞ്ചാലുംമൂട്: കണ്ടച്ചിറക്കായല് നികത്തി മതില്ക്കെട്ടി ഗേറ്റ് സ്ഥാപിച്ചത് പ്രതിഷേധത്തിനും സംഘര്ഷത്തിനും കാരണമായി. പനയം ഗ്രാമ പഞ്ചായത്ത് ഭരണസമിതിയുടെ നേതൃത്വത്തിലാണ് പ്രതിഷേധം സംഘടിപ്പിച്ചത്. ഭരണ പ്രതിപക്ഷ അംഗങ്ങള് ചേര്ന്ന് നിര്മാണ പ്രവര്ത്തനം തടയുകയായിരുന്നു.
പ്രദേശത്ത് സംഘര്ഷാവസ്ഥയുണ്ടായതോടെ താലൂക്ക് ഓഫീസര് സ്ഥലത്തെത്തി. റവന്യൂ സംഘത്തെ പ്രതിഷേധക്കാര് തടഞ്ഞു. സംഭവമറിഞ്ഞ് കൊല്ലത്ത് നിന്ന് എഡിഎം എത്തി പ്രതിഷേധക്കാരുമായി ചര്ച്ച നടത്തി. നിര്മാണ പ്രവര്ത്തനം അന്വേഷിച്ച് തുടര്നടപടി ഉണ്ടാകുമെന്ന ഉറപ്പില് രാത്രി വൈകി പ്രതിഷേധം അവസാനിപ്പിച്ചു.
കണ്ടച്ചിറ കായലിന് സമീപം വര്ഷങ്ങളായി സ്വകാര്യവ്യക്തി കായല് കയ്യേറുകയായിരുന്നു. പ്രതിഷേധത്തിന് ഗ്രാമപഞ്ചായത്ത് പ്രസിഡന്റ് ഡോ. കെ. രാജശേഖരന്, മെമ്പര്മാരായ അനന്തകൃഷ്ണന്, രതീഷ് രവി, ജയശ്രീ മധു ലാല് എന്നിവര് നേതൃത്വം നല്കി.
