കാര്‍ത്തിക് സുബ്ബരാജ് സംവിധാനം ചെയ്ത് ചിയാന്‍ വിക്രം കേന്ദ്ര കഥാപാത്രമാകുന്ന ‘മഹാന്റെ’ ട്രെയ്ലര്‍ പുറത്തിറങ്ങി. ആക്ഷന്‍-ത്രില്ലര്‍ ചിത്രത്തില്‍ വിക്രമിന്റെ മകന്‍ ധ്രുവ് വിക്രമും പ്രധാന വേഷം അവതരിപ്പിക്കുന്നു. ഇരുവും ആദ്യമായി ഒന്നിക്കുന്ന ചിത്രം കൂടിയാണ് ‘മഹാന്‍’. ഫെബ്രുവരി 10ന് ആമസോണ്‍ പ്രൈമിലാണ് ചിത്രം റിലീസ് ചെയ്യുന്നത്.
ഗ്യാങ്സ്റ്റര്‍ നേതാവായി വിക്രം ചിത്രത്തില്‍ എത്തുന്നു. ‘ഗാന്ധി മഹാന്‍’ എന്ന കഥാപാത്രത്തെയാണ് വിക്രം അവതരിപ്പിക്കുന്നത്. ദാദാ എന്ന കഥാപാത്രത്തെ ധ്രുവ് അവതരിപ്പിക്കുന്നു. വിക്രമിന്റെ 60ാമത്തെ ചിത്രം കൂടിയാണ് മഹാന്‍. ചെന്നൈ പശ്ചാത്തലമാക്കിയുളള ഗ്യാങ്സ്റ്റര്‍ ത്രില്ലര്‍ ചിത്രമാണ് മഹാന്‍. സിമ്രാനും ചിത്രത്തില്‍ ഒരു പ്രധാന കഥാപാത്രത്തെ അവതരിപ്പിക്കുന്നുണ്ട്. ബോബി സിംഹയാണ് വില്ലന്‍.
അഞ്ച് ഭാഷകളിലാണ് ചിത്രം റിലീസ് ചെയ്യുന്നത്. തമിഴ്, മലയാളം, കന്നഡ, തെലുങ്ക് ഭാഷകളില്‍ ‘മഹാന്‍’ എന്ന പേരിലും കന്നഡയില്‍ ‘മഹാപുരുഷ’ എന്ന പേരിലും ആണ് ചിത്രം പുറത്തിറങ്ങുക. ചിത്രത്തില്‍ ബോബി സിംഹയും പ്രധാന റേളില്‍ എത്തുന്നുണ്ട്.
