ഡെറാഡൂണ്: ഉത്തരാഖണ്ഡ് നിയമസഭാ തെരഞ്ഞെടുപ്പിനുള്ള താരപ്രചാരകരുടെ പട്ടികയുമായി ബിജെപി. പ്രധാനമന്ത്രി നരേന്ദ്ര മോദി, ബിജെപി അധ്യക്ഷന് ജഗത് പ്രകാശ് നദ്ദ, കേന്ദ്രമന്ത്രിമാരായ രാജ്നാഥ് സിങ്, അമിത് ഷാ, നിതിന് ഗഡ്കരി, പ്രഹ്ലാദ് ജോഷി, സ്മൃതി ഇറാനി എന്നിവരടക്കം മുപ്പതംഗ പട്ടികയാണ് പാര്ട്ടി പുറത്തിറക്കിയത്.
ഉത്തരാഖണ്ഡ് മുഖ്യമന്ത്രി പുഷ്കര് സിങ് ധാമി, ഉത്തര്പ്രദേശ് മുഖ്യമന്ത്രി യോഗി ആദിത്യനാഥ്, മധ്യപ്രദേശ് മുഖ്യമന്ത്രി ശിവരാജ് സിങ് ചൗഹാന്, ദുഷ്യന്ത് കുമാര് ഗൗതം എംപി, മദന് കൗശിക് എംഎല്എ എന്നിവരും പട്ടികയിലുണ്ട്. ഉത്തരാഖണ്ഡിലെ മുന് മുഖ്യമന്ത്രിമാരായ വിജയ് ബഹുഗുണ, ത്രിവേന്ദ്ര സിങ് റാവത്ത്, തിരത് സിങ് റാവത്ത്, മുന് കേന്ദ്ര വിദ്യാഭ്യാസ മന്ത്രി രമേഷ് പൊഖ്രിയാല് നിഷാങ്ക് എന്നിവരുടെ പേരുകളും പട്ടികയില് ഉള്പ്പെടുന്നു.
ജനറല് വി.കെ. സിങ്, അജയ് ഭട്ട്, ലോക്കറ്റ് ചാറ്റര്ജി, ആര്.പി. സിങ്, അജയ് കുമാര്, അജയ് തംത, മാലാ രാജ്യലക്ഷ്മി ഷാ, അനില് ബലൂനി, നരേഷ് ബന്സാല്, മനോജ് തിവാരി, നയാബ് സിങ് സൈനി, സത്പാല് മഹാരാജ്, ബല്രാജ് പാസി എന്നിവരാണ് മറ്റ് പ്രമുഖ നേതാക്കള്. ഫെബ്രുവരി 14നാണ് ഉത്തരാഖണ്ഡില് നിയമസഭാ തെരഞ്ഞെടുപ്പ്.
