കൊച്ചി: തുറമുഖ കപ്പല്‍ ജലപാത മന്ത്രാലയത്തിന് കീഴിലുള്ള കൊച്ചിന്‍ ഷിപ്പ്‌യാര്‍ഡ്,മൂന്ന്ഫ്‌ലോട്ടിങ് ബോര്‍ഡ് ഔട്ട്‌ പോസ്റ്റ് യാനങ്ങള്‍, അതിര്‍ത്തി സുരക്ഷാ സേനക്ക് വിജയകരമായികൈമാറി.രാജ്യത്തിന്റെ ജല അതിര്‍ത്തികളെ സംരക്ഷിക്കുന്നതിനായി ഇത്തരത്തിലുള്ള ഒമ്പത് യാനങ്ങള്‍ നിര്‍മ്മിച്ചു നല്‍കാനാണ് കൊച്ചിന്‍ ഷിപ്പ്‌യാര്‍ഡ് ലിമിറ്റഡിന് ഓര്‍ഡര്‍ ലഭിച്ചത്. വരും മാസങ്ങളില്‍ ഇത്തരത്തിലുള്ള മൂന്ന് യാനങ്ങള്‍ കൂടികൈമാറും.
4 അതിവേഗ നിരീക്ഷണ ബോട്ടുകള്‍ സൂക്ഷിക്കുന്നതിനുള്ള സൗകര്യവും ഇത്തരത്തിലുള്ള എല്ലാ യാനങ്ങളിലും ഒരുക്കിയിട്ടുണ്ട്. അതിവേഗ നിരീക്ഷണ ബോട്ടുകള്‍ക്കുള്ള ഫ്‌ലോട്ടിങ് ബേസ് ആയും ഇത്തരത്തിലുള്ള യാനങ്ങള്‍ പ്രവര്‍ത്തിക്കും. ചെറു യാനങ്ങള്‍ക്ക് ആവശ്യമായ പെട്രോള്‍, ശുദ്ധജലം, മറ്റ് സാമഗ്രികള്‍ എന്നിവ വിതരണം ചെയ്യാനും ഇവ ഉപയോഗപ്പെടുത്തും
അതിര്‍ത്തി രക്ഷാസേനയുടെ ജല വിഭാഗത്തിനായി, ഒമ്പത് ഫ്‌ലോട്ടിങ് ബോര്‍ഡ് ഔട്ട്‌ പോസ്റ്റ് യാനങ്ങളുടെ രൂപകല്പന, നിര്‍മ്മാണം, വിതരണം എന്നിവയ്‌ക്കായി 2019 മാര്‍ച്ചിലാണ് ആഭ്യന്തര മന്ത്രാലയം ഓര്‍ഡറുകള്‍ നല്‍കിയത്. 46 മീറ്റര്‍ നീളവും 12 മീറ്റര്‍ വീതിയുമുള്ളവയാണ് ഓരോന്നും. രാജ്യത്തിന്റെ ഉള്‍നാടന്‍ ജല മേഖലകളില്‍, പ്രത്യേകിച്ചും ഗുജറാത്തിലെ കച്ചിലെ അരുവി പ്രദേശങ്ങള്‍, പശ്ചിമ ബംഗാളിലെ സുന്ദര്‍ബന്‍ മേഖല എന്നിവിടങ്ങളില്‍ വിന്യസിക്കുന്നതിനായി രൂപകല്പന ചെയ്യപ്പെട്ടവയാണ് ഇവ.
പ്രതികരിക്കാൻ ഇവിടെ എഴുതുക: