പ്രശസ്ത ഫുട്ബോള് താരം ഐ.എം വിജയന് നായകനായ ‘മ് ( സൗണ്ട് ഓഫ് പെയിന് ) ‘ എന്ന ചിത്രത്തിന് നിരവധി ഇന്റര്നാഷണല് അംഗീകാരങ്ങളും, അവാര്ഡുകളും ഇതിനോടകം തന്നെ ലഭിച്ചിരുന്നു.ചിത്രം റിലീസ് ചെയ്ത ആദ്യ മാസത്തില്ത്തന്നെ മൂന്ന് അന്താരാഷ്ട്ര പുരസ്കാരങ്ങള് നേടി.27 മത് കൊല്ക്കത്ത ഇന്റര്നാഷണല് ഫിലിം ഫെസ്റ്റിവലില് ഒഫീഷ്യല് സെലക്ഷന് നേടി കൂടുതല് ജനപ്രിയം ആയിരിക്കുക ആണ് ‘മ് ‘ ( സൗണ്ട് ഓഫ് പെയിന് ). നോണ് കോമ്പറ്റീഷന് വിഭാഗത്തില് അണ് ഹെര്ഡ് ഇന്ത്യ ; റെയര് ലാംഗ്വേജ് ഫിലിം വിഭാഗത്തിലാണ് ചിത്രത്തിന് ഒഫീഷ്യല് സെലക്ഷന് നേടിയത്.ഈ വിഭാഗത്തില് ഒഫീഷ്യല് സെലക്ഷന് നേടുന്ന ഈ വര്ഷത്തെ കേരളത്തില് നിന്നുള്ള ഏക ചിത്രം കൂടിയാണ് ‘മ് ‘ ( സൗണ്ട് ഓഫ് പെയിന് ).നിരവധി അന്താരാഷ്ട്ര പുരസ്കാരങ്ങള് നേടിയിരിക്കുന്ന ഈ ചിത്രത്തിന്റെ അണിയറപ്രവര്ത്തകര്ക്ക് ഇരട്ടിമധുരം ആയിരിക്കുകയാണ് ഇപ്പോള് ലഭിച്ച ഈ ഓഫീസില് സെലക്ഷന് എന്ട്രി. കവിയും , സംവിധായകനുമായ ഡോ. സോഹന് റോയ് നിര്മ്മിച്ച് വിജീഷ് മണി സംവിധാനം ചെയ്ത ചിത്രമാണ് ഇത്.
കുറുമ്പ ഭാഷയിലുള്ള ഇന്ത്യയില് നിന്നുള്ള ആദ്യ സിനിമ കൂടിയാണ് ഈ ചിത്രം. ചിത്രത്തിലെ നായക കഥാപാത്രമായ ആദിവാസി യുവാവിനെ അവതരിപ്പിക്കുന്നത് പ്രശസ്ത ഫുട്ബോള് താരം ഐ എം വിജയനാണ്.തേന് ശേഖരണം ഉപജീവനമാര്ഗ്ഗമാക്കിയ കുറുമ്പ ഗോത്രത്തില്പ്പെട്ട ഒരു ആദിവാസി കുടുംബനാഥന് പാരിസ്ഥിതിക പ്രശ്നങ്ങള് മൂലം വനത്തില് തേനിന് ദൗര്ലഭ്യമുണ്ടാകുന്നതിനെ തുടര്ന്നുള്ള പ്രതിസന്ധികളാണ് സിനിമയുടെ പ്രമേയം. പ്രശ്നങ്ങളോടും പ്രതിസന്ധികളോടുമുള്ള അദ്ദേഹത്തിന്റെ പോരാട്ടങ്ങളെയും, സാഹചര്യങ്ങളുമായി പിന്നീട് എങ്ങനെ പൊരുത്തപ്പെടുന്നുവെന്നതിനെയും വിവരിക്കുന്നതാണ് തുടര്ന്നുള്ള കഥാതന്തു. കാലാവസ്ഥാവ്യതിയാനം ഉള്പ്പെടെയുള്ള പാരിസ്ഥിതിക പ്രശ്നങ്ങളെ ആഴത്തില് അടയാളപ്പെടുത്തുക കൂടി ചെയ്യുന്ന ഒരു സിനിമയാണ് ഇത്. ഇന്ത്യന് സിനിമാ ചരിത്രത്തില് ആദ്യമായാണ് ഒരു ചലച്ചിത്ര സംവിധായകന് ഇത്തരമൊരു ശ്രമം നടത്തിയത് .
സാന്ഡിഗോ മൂവി അവാര്ഡിലെ മികച്ച ചിത്രം ഉള്പ്പെടെയുള്ള അംഗീകാരങ്ങള് ലഭിച്ചപ്പോള് മികച്ച പ്രതികരണമാണ് ചിത്രത്തിന് ലഭിച്ചത്. ഓസ്കാര് നോമിനേഷന് യോഗ്യത നേടിയ സിനിമകളുടെ പട്ടികയില് ഇന്ത്യയില് നിന്നുള്ള ‘മ് ( സൗണ്ട് ഓഫ് പെയിന് ) എന്ന ചലച്ചിത്രവും സ്ഥാനം പിടിച്ചിരുന്നു. ഫെബ്രുവരി ഇരുപത്തിയാറിന് പ്രസിദ്ധീകരിച്ച പട്ടികയിലാണ് ഈ ചിത്രം ഇടംപിടിച്ചത്. പാരിസ് ഫിലിം ഫെസ്റ്റിവലില്
അവസാന റൗണ്ടില് അഞ്ച് വിദേശ ചിത്രങ്ങളെ പിന്തള്ളി മികച്ച ചിത്രത്തിനുള്ള പുരസ്കാരം കൈവരിച്ചു. തുടര്ന്ന്, ഓസ്കാര് നോമിനേഷന് യോഗ്യത നേടിയ സിനിമകളുടെ പട്ടികയില് ഇടം പിടിയ്ക്കുകയും , നവാഡ ഇന്റര്നാഷണല് ഫിലിം ഫെസ്റ്റിവലിലെ’ ‘ബെസ്റ്റ് ജൂറി അവാര്ഡ്, ‘ലിഫ്റ്റ് ഓഫ് ഓണ്ലൈന് സെഷന്സ് ‘ എന്നിവയിലേക്ക് തെരഞ്ഞെടുക്കപ്പെടുകയും ചെയ്തു.
വിജീഷ് മണിയാണ് സിനിമയുടെ കഥയും , സംവിധാനവും നിര്വഹിച്ചിരിക്കുന്നത്. ഇദ്ദേഹത്തിന്റെ ‘സംസ്കൃത ഭാഷയിലുള്ള നമോ , നേതാജി ( ഇരുള ) തുടങ്ങിയ ചലച്ചിത്രങ്ങള് ഇഫി ഗോവ ചലച്ചിത്രമേളയിലെ ഇന്ത്യന് പനോരമയിലേക്ക് തെരഞ്ഞെടുക്കപ്പെട്ടിരുന്നു. അന്പത്തിയൊന്ന് മണിക്കൂറുകള്കൊണ്ട് വിശ്വഗുരു എന്ന സിനിമ പൂര്ത്തിയാക്കി തീയേറ്ററുകളില് റിലീസ് ചെയ്തതിന് ഗിന്നസ് റിക്കോര്ഡ് കരസ്ഥമാക്കിയ വ്യക്തിയാണ് വിജീഷ് മണി. ഏറ്റവും മികച്ച പരിസ്ഥിതി പ്രാധാന്യമുള്ള മലയാള ചിത്രത്തിനുള്ള ഫിലിം ക്രിട്ടിക്സ് അവാര്ഡ് ലഭിച്ചിരുന്നു. ആദ്യാവസാനം പുഴയില് ചിത്രീകരിക്കപ്പെട്ട സിനിമയ്ക്കുള്ള ഏഷ്യ ബുക്ക് ഓഫ് റെക്കോര്ഡ്സും ഈ ചിത്രത്തിന് ലഭിച്ചിട്ടുണ്ട്.
ഗ്രാമി അവാര്ഡ് ജേതാവായഅമേരിക്കന് സംഗീതപ്രതിഭ എഡോണ് മോള, നാടന് പാട്ടുകളിലൂടെ മലയാള സിനിമ പ്രേക്ഷകരുടെ ഹൃദയം കീഴടക്കിയ നഞ്ചമ്മ എന്നിവര് ചിത്രത്തിനുവേണ്ടി വരികള് എഴുതുകയും പാടുകയും ചെയ്തിരുന്നു. ജുബൈര് മുഹമ്മദ് ആണ് ചിത്രത്തിന്റെ സംഗീതസംവിധായകന്. പ്രകാശ് വാടിക്കല് തിരക്കഥയും ദേശീയ അവാര്ഡ് ജേതാവ് ബി. ലെനിന് ചിത്രത്തിന്റെ എഡിറ്റിങ്ങും നിര്വഹിച്ചിരിക്കുന്നു. ക്യാമറ ആര്. മോഹന്, പശ്ചാത്തലസംഗീതം ശ്രീകാന്ത് ദേവ. പ്രശസ്ത താരം വിയാന് മംഗലശ്ശേരിയാണ് ചിത്രത്തിന്റെ പ്രോജക്ട് കോഡിനേറ്റര്.
