തിരുവനന്തപുരം: കേരള ഗ്രാമസ്വരാജ് ഫൗണ്ടേഷന്റെ മികച്ച മാധ്യമ പ്രവര്ത്തകനുള്ള 2022ലെ പ്രേംദേശ് പുരസ്കാരം ജന്മഭൂമി ലേഖകന് ശിവകൈലാസിന്. 10001 രുപയും പ്രശസ്തിപത്രവും ശില്പവും അടങ്ങുന്നതാണ് പുരസ്ക്കാരം. നേതാജി ജയന്തി ദിനമായ 23ന് മന്ത്രി ആന്റണി രാജു പുരസ്ക്കാരങ്ങള് സമ്മാനിക്കും.
ചെങ്കല് രാജശേഖരന് നായര്ക്കാണ് മികച്ച സാമൂഹിക പ്രവര്ത്തകനുള്ള പുരസ്ക്കാരം. കലാരംഗത്ത് ഗാനരചയിതാവ് കെ. പി ഹരികുമാര്, നേതാജി സന്ദേശവുമായി ഭാരതപര്യടനം നടത്തിയ വിമുക്തഭടന് ഗോപാലകൃഷ്ണന് നായര് (റോബിന്), കെ.റ്റി രാജു നാരായണന് എന്നിവരും പ്രേംദേശ് പുരസ്ക്കാരങ്ങള്ക്ക് അര്ഹരായി.
കവി കുന്നത്തൂര് ജെ. പ്രകാശ് ചെയര്മാനും മായ വി.നായര്, സുല്ഫി ഷഹീദ് എന്നിവര് അംഗങ്ങളുമായ ജൂറിയാണ് പുരസ്ക്കാര ജേതാക്കളെ തെരഞ്ഞെടുത്തത്. പ്രസിഡന്റ് എം.എന് ഗിരി, സെക്രട്ടറി പൂവച്ചല് സുധീര് എന്നിവര് ചേര്ന്നാണ് പുരസ്കാരങ്ങള് പ്രഖ്യപിച്ചത്.
