കൊച്ചി : എറണാകുളച്ച് ആളൊഴിഞ്ഞ പറമ്പില്ലെ കുഴിയില് മധ്യവയസ്കനെ മരിച്ച നിലയില് കണ്ടെത്തി. ഞാറയ്ക്കല് പെരുമാള്പടിയിലെ പറമ്പില് ചെറിയ കുഴിക്കുള്ളില് വീണ നിലയിലാണ് മൃതദേഹം കണ്ടെത്തിയത്. പ്രദേശവാസിയായ ഷാജിയെന്ന് വിളിക്കുന്ന ജോസഫ് വി ആറാണ്(51) മരിച്ചത്.
തല മുതല് അരവരെയുള്ള ശരീരത്തിന്റെ ഭാഗങ്ങള് മണ്ണിലെ കുഴിക്കുള്ളില് പുതഞ്ഞ നിലയിലായിരുന്നു മൃതദേഹം കണ്ടെത്തിയത്. രാവിലെ ഏഴുമണിയോടെ തുണി ഉണക്കിയിടാനെത്തിയ അയല്ക്കാരിയാണ് മൃതദേഹം കണ്ടത്.
കൊലപാതമല്ലെന്നാണ് പോലീസിന്റെ പ്രാഥമിക നിഗമനം. വെള്ളിയാഴ്ച രാത്രി മദ്യപിച്ച ശേഷം നടന്നു പോകുന്നതിനിടെ കുഴിയില് വീണതായിരിക്കുമെന്നാണ് പോലീസ് സംശയിക്കുന്നത്. ഡോഗ് സ്ക്വാഡും, ഫൊറന്സിക് വിദഗ്ധരും സ്ഥലത്തെത്തി പരിശോധന നടത്തി. മൃതദേഹം പോസ്റ്റ്മോര്ട്ടത്തിനായിആശുപത്രിയിലേക്ക് മാറ്റി.
