ന്യൂദല്ഹി: ഇന്ത്യ ഓപ്പണ് ബാഡ്മിന്റണ് ചാമ്പ്യന്ഷിപ്പിനെ പ്രതിസന്ധിയിലാക്കി കോവിഡ് വ്യാപനം. ന്യൂദല്ഹിയില് നടന്നുകൊണ്ടിരിക്കുന്ന ഇന്ത്യ ഓപ്പണ് 2022 ബാഡ്മിന്റണ് ടൂര്ണമെന്റില് പങ്കെടുക്കുന്ന കിഡംബി ശ്രീകാന്ത്, അശ്വിനി പൊനപ്പ, റിതിക തക്കര്, ട്രീസ ജോളി, മിഥുന് മഞ്ജുനാഥ്, സിമ്രാന് സിംഗ്, ഖുഷി ഗുപ്ത എന്നിവര്ക്ക് കോവിഡ് സ്ഥിരീകരിച്ചു. ശ്രീകാന്ത് നിലവില് സിംഗിള്സില് ലോക 10ാം സ്ഥാനത്താണ്, അശ്വിനി പൊന്നപ്പ വനിതാ ഡബിള്സില് ലോക 20ാം സ്ഥാനത്താണ്, അവര് പി.സിക്കി റെഡ്ഡിയ്ക്കൊപ്പമാണ് ടൂര്ണമെന്റില് മത്സരിക്കുന്നത്.
ഇന്ത്യ ഓപ്പണിന്റെ 2022 ഇന്ദിരാഗാന്ധി സ്റ്റേഡിയത്തിലെ കെഡി ജാദവ് ഇന്ഡോര് ഹാളില് അടച്ചിട്ട മുറിയില് കര്ശന പ്രോട്ടോക്കോള് പാലിച്ചാണ് നടത്തിയിരുന്നത്. എന്നിട്ടും താരങ്ങള്ക്ക് കോവിഡ് പിടിപെട്ടത് ആശങ്കയുണ്ടാക്കുന്നതാണ്. കോവിഡ് സ്ഥിരീകരിച്ചവര്ക്കൊപ്പം കളിച്ചവരേയും സമ്പര്ക്കത്തില് വന്നവേരയും നിരീക്ഷണത്തിലാക്കി.
