കോഴിക്കോട് : വടകര എംയുഎം ഹര്സെക്കന്ഡറി സ്കൂളില് പഠിപ്പ് മുടക്കല് സമരം ആഹ്വാനം ചെയ്തെത്തിയ എസ്എഫ്ഐ പ്രവര്ത്തകരെ നാട്ടുകാര് അടിച്ചോടിച്ചു. ഇടുക്കി സംഭവത്തോടവുബന്ധിച്ച് സ്കൂളില് ക്ലാസ്സ് നടക്കുന്നത് അറിച്ച് എസ്എഫ്ഐക്കാര് ഇത് തടസ്സപ്പെടുത്താനായി എത്തുകയായിരുന്നു.
സ്കൂളില് ഇതുവരെ ഒരു സമരവും നടന്നിട്ടില്ല. അതിനാല് ക്ലാസ് വിടാന് പറ്റില്ലെന്ന് സമരക്കാരോട് സ്കൂള് അധികൃതര് അറിയിച്ചു. എന്നാല് ക്ലാസ് വിടണമെന്ന നിലപാടില് സമരക്കാര് ഉറച്ചുനിന്നു. ഉച്ചഭക്ഷണത്തിന് ശേഷം വിദ്യാര്ത്ഥികളെ വിടാമെന്നും അധികൃതര് പ്രതിഷേധക്കാരോട് പറഞ്ഞെങ്കിലും സമ്മതിച്ചില്ല.
ഇതോടെ രക്ഷിതാക്കളും പരിസരവാസികളും സമരക്കാരും തമ്മില് തര്ക്കമായി. എസ്എഫ്ഐ പ്രതിഷേധം കടുത്തതോടെ നാട്ടുകാര് ഇവരെ അടിച്ചോടിക്കുകയായിരുന്നു. പ്രതിഷേധക്കാരെ പിരിച്ചുവിടുന്നതിനായി പോലീസ് ലാത്തി വീശി. 15 എസ്എഫ്ഐ പ്രവര്ത്തകരെ പോലീസ് കസ്റ്റഡിയില് എടുത്തിട്ടുണ്ട്. സംഘര്ഷത്തില് ചിലര്ക്ക് പരിക്കേറ്റിട്ടുണ്ട്. ഒന്നും ഗുരുതരമല്ല. സംഘര്ഷത്തിന്റെ അടിസ്ഥാനത്തില് പ്രദേശത്ത് പോലീസ് സുരക്ഷ ഏര്പ്പെടുത്തിയിരിക്കുകയാണ്.
