ഗാന്ധിനഗര്: കോട്ടയം മെഡിക്കല് കോളജ് പ്രസവവാര്ഡില് നിന്നും നവജാത ശിശുവിനെ തട്ടിയെടുത്ത സംഭവത്തില് പ്രതി നീതു രാജ്(30) നെ കൂടുതല് ചോദ്യം ചെയ്യുന്നതിന് വിട്ടുകിട്ടുന്നതിനായി ഗാന്ധിനഗര് പോലീസ് കോടതിയില് അപേക്ഷ നല്കി.
ഈ മാസം ആറാം തീയതി ഉച്ചകഴിഞ്ഞ് മൂന്നു മണിയോടുകൂടിയാണ് ആലുവകളമശ്ശേരി സ്വദേശിനിയായ നീതു രാജ് (30) പ്രസവ വാര്ഡില് നിന്നും കുട്ടിയെ തട്ടിയെടുത്തു കടന്നു കളയാന് ശ്രമിച്ചത്. ഗാന്ധിനഗര് പോലീസ് അറസ്റ്റ് ചെയ്ത ഇവര് കോട്ടയം വനിതാ ജയിലില് റിമാന്റില് കഴിയുകയാണ്.
ഇവരെ കസ്റ്റഡിയില് ലഭിച്ചാല് നവജാത ശിശുവിനെ തട്ടിയെടുത്ത ഗൈനക്കോളജി വിഭാഗത്തിലെത്തിച്ച് തെളിവെടുപ്പ് നടത്തും. തുടര്ന്ന് ഇവര് താമസിച്ചിരുന്ന ഹോട്ടല് മുറി, ഡോക്ടര് കോട്ട് വാങ്ങിയ സ്ഥാപനം, നവജാത ശിശുവിനായി പോഷകാഹാരങ്ങള് വാങ്ങിയമെഡിക്കല് സ്റ്റോര്, സ്റ്റെതോ സ്കോപ്പ് വാങ്ങിയ സ്ഥാപനം എന്നിവിടങ്ങളില് കൊണ്ടുപോയി തെളിവെടുപ്പ് നടത്തും. കുമളി വണ്ടിപ്പെരിയാര് വലിയ തറയില് ശ്രീജിത് അശ്വതി ദമ്പതികളുടെ രണ്ടു ദിവസം പ്രായമായ പെണ്കുഞ്ഞിനെയാണ് പ്രസവവാര്ഡില് നിന്ന് തട്ടികൊണ്ട് ഇവര് തട്ടിയെടുത്തത്.
