ശാസ്താംകോട്ട: എന്‍സിസി ക്യാമ്പില്‍ യുദ്ധകാഹളം(വാര്‍ ക്രൈ) മുഴക്കിയതിനെതിരെ പോപ്പുലര്‍ ഫ്രണ്ട് ശാസ്താംകോട്ടയില്‍ അഴിഞ്ഞാടി. വന്‍ പോലീസ് സന്നാഹം ഏറെ നേരം പണിപ്പെട്ടാണ് അക്രമിസംഘത്തെ പിന്‍തിരിപ്പിച്ചത്.
ഇന്ത്യന്‍ സായുധ സേനയിലെ ബ്രഹ്മോസ് റെജിമെന്റിന്റെ യുദ്ധകാഹളമായ ശരണം വിളിക്കെതിരെയാണ് ക്രിമിനല്‍ സംഘങ്ങള്‍ നഗരത്തില്‍ ആക്രമണം അഴിച്ചുവിട്ടത്. ദേവസ്വം ബോര്‍ഡ് കോളേജില്‍ നടന്ന എന്‍സിസി ക്യാംപില്‍ വിദ്യാര്‍ത്ഥികള്‍ ശരണം വിളിച്ച് പരേഡ് നടത്തിയിരുന്നു.
‘സ്വാമിയേ ശരണമയ്യപ്പാ’ എന്നത് ഇന്ത്യന്‍ ആര്‍മിയുടെ ബ്രഹ്മോസ് റജിമെന്റ് ‘വാർക്രൈ’ അഥവാ സൈനിക യൂണിറ്റുകളുടെ മുദ്രാവാക്യമായി ഉപയോഗിക്കാറുണ്ട്. ശരണം വിളിക്കു പുറമെ ജയ്ശ്രീരാം, കാളികാ മാതാ കീ ജയ്, ദുര്‍ഗ മാതാ കീ ജയ് തുടങ്ങി നിരവധി മുദ്രാവാക്യങ്ങളും ഇന്ത്യയിലെ വിവിധ സൈനിക യൂണിറ്റുകള്‍ അവരുടെ ‘വാർക്രൈ’ ആയി ഉപയോഗിച്ചു വരുന്നുണ്ട്.
ഇതിനെതിരെയാണ് ക്യാംപസ് ഫ്രണ്ടിന്റെ ബാനറില്‍ നൂറോളം വരുന്ന സംഘം ഇന്ന് ഉച്ചക്ക് 2.30യോടെ കോളേജിലേക്ക് പ്രകോപനപരമായി മുദ്രാവാക്യം വിളിച്ച് കടന്ന് കയറാന്‍ ശ്രമിച്ചത്. ക്ഷേത്രത്തിന് സമീപം ബാരിക്കേഡ് തീര്‍ത്ത് പോലീസ് തടഞ്ഞതിനു പിന്നാലെ സംഘം ആക്രമണങ്ങള്‍ അഴിച്ചുവിടുകയായിരുന്നുവെന്ന് നാട്ടുകാര്‍ ആരോപിക്കുന്നു.
പ്രതികരിക്കാൻ ഇവിടെ എഴുതുക: