ഹൈദരാബാദ്: തെലുങ്കാന മുഖ്യമന്ത്രി കെ.ചന്ദ്രശേഖരറാവുവിന്റെ നിര്ദേശപ്രകാരം തെലുങ്കാന പൊലീസ് അറസ്റ്റ് ചെയ്ത ബിജെപി തെലുങ്കാന സംസ്ഥാന ബിജെപി അധ്യക്ഷന് ബണ്ടി സഞ്ജയിനെ 14 ദിവസത്തേക്ക് പൊലീസ് റിമാന്റ്ചെയ്തു.
ഞായറാഴ്ച രാത്രിയാണ് ഓഫീസില് നിന്നും ബണ്ടി സഞ്ജയ് കുമാറിനെ പൊലീസ് അറസ്റ്റ് ചെയ്തത്. സംസ്ഥാനത്തെ സര്ക്കാര് ജീവനക്കാരുടെയും അധ്യാപകരുടെയും ഡിമാന്റുകള് അംഗീകരിക്കണമെന്നാവശ്യപ്പെട്ട് കെ.ചന്ദ്രശേഖരറാവു സര്ക്കാരിനെതിരെ സമരം ചെയ്ത കുറ്റത്തിനായിരുന്നു അറസ്റ്റ്. കരിംനഗറിലെ ഓഫീസില് ഉണ്ടായിരുന്ന വനിതാപ്രവര്ത്തകര്ക്കും ബിജെപി നേതാക്കള്ക്കും പ്രവര്ത്തകര്ക്കും ലാത്തിച്ചാര്ജ്ജില് പരിക്കേറ്റു.
ബണ്ടി സഞ്ജയ് കുമാറിന്റെ അറസ്റ്റ് ജനാധിപത്യത്തിന്റെ മരണമാണെന്നും ബിജെപി ദേശീയ പ്രസിഡന്റ് ജെ.പി. നദ്ദ ആരോപിച്ചു.
