കൊവിഡ് പ്രതിസന്ധി വീണ്ടും സിനിമാ മേഖലയെ തകര്ക്കുന്നു. രാംചരണ്, ജൂനിയര് എന്.ടി.ആര്. എന്നിവരെ കേന്ദ്ര കഥാപാത്രങ്ങളാക്കി രാജമൗലി ഒരുക്കുന്ന ബ്രഹ്മാണ്ഡ ചിത്രം ആര്.ആര്.ആറിന്റെ റിലീസ് നീട്ടി. 2022 ജനുവരി 7നാണ് ചിത്രം റിലീസ് ചെയ്യാനിരുന്നത്. എന്നാല്, ഡല്ഹിയില് അടക്കം തിയറ്ററുകള് പൂട്ടിയതോടെ സിനിമയുടെ റിലീസ് അന്തമായി നീളുമെന്നാണ് പുറത്തുവരുന്ന റിപ്പോര്ട്ട്. ജനുവരിയില് തന്നെ സിനിമ റിലീസ് ചെയ്യുന്നതോടെ തന്റെ സ്വപ്നം സഫലമാകുമെന്ന് സംവിധായകന് എസ്എസ് രാജമൗലി വ്യക്തമാക്കിയിരുന്നു. സിനിമ റിലീസിന് തിയറ്ററുകള് ഒരുങ്ങി കളിഞ്ഞപ്പോളാണ് പുതിയ പ്രഖ്യാപനം വന്നിരിക്കുന്നത്.
റിലീസിന് മുമ്പ് തന്നെ കോടികളുടെ ബിസിനസ് സിനിമ സ്വന്തമാക്കിയിരുന്നു. 450 കോടി രൂപയില് ഒരുങ്ങിയ ചിത്രം റിലീസിന് മുമ്പ് തന്നെ 325 കോടി രൂപയാണ് സ്വന്തമാക്കിയത്. ഡിജിറ്റല് സാറ്റ്ലൈറ്റ് അവകാശത്തിലൂടെയാണ് ചിത്രം ഈ നേട്ടം സ്വന്തമാക്കിയത്. സീ 5, നെറ്റ്ഫഌക്സ്, സ്റ്റാര്ഗ്രൂപ്പ് മുതലായവയാണ് റൈറ്റ് സ്വന്തമാക്കിയ കമ്പനികള്. തമിഴ്, തെലുങ്ക്, ഹിന്ദി, കന്നട, മലയാളം എന്നീ ഭാഷകള്ക്ക് പുറമെ വിദേശ ഭാഷകളിലും ചിത്രം റിലീസ് ചെയ്യാനാണ് തീരുമാനിച്ചത്.
രാം ചരണും ജൂനിയര് എന്.ടി.ആറുമാണ് ചിത്രത്തില് പ്രധാനവേഷങ്ങളില് എത്തുന്നത്. ഇതിന് പുറമേ ആലിയ ഭട്ടും അജയ് ദേവ്ഗണും ചിത്രത്തില് പ്രധാന വേഷങ്ങളിലെത്തുന്നുണ്ട്. ബോളിവുഡിലെയും ടോളിവുഡിലേയും പ്രമുഖ താരങ്ങളാണ് ഈ ചിത്രത്തില് അണിനിരക്കുന്നത്. വി. വിജയേന്ദ്രപ്രസാദാണ് ചിത്രത്തിന്റെ തിരക്കഥ.
ജൂനിയര് എന്.ടി.ആര്. കൊമരു ഭീം ആയും രാം ചരണ് അല്ലൂരി സീതരാമ രാജുവായിട്ടുമാണ് ചിത്രത്തില് എത്തുന്നത്. ചിത്രത്തില് സീത എന്ന കഥാപാത്രത്തിനെയാണ് ആലിയ അവതരിപ്പിക്കുന്നത്. ചരിത്രവും ഫിക്ഷനും കൂട്ടിചേര്ത്താണ് ചിത്രം ഒരുക്കുന്നത്. രുധിരം, രണം, രൗദ്രം, എന്നാണ് ആര്.ആര്.ആര്. എന്ന പേര് കൊണ്ട് ഉദ്ദേശിക്കുന്നത്. 450 കോടി മുതല്മുടക്കില് ഒരുങ്ങിയ ചിത്രത്തില് ഒലിവിയ മോറിസ്, സമുദ്രക്കനി, അലിസണ് ഡൂഡി, റേ സ്റ്റീവന്സണ് എന്നിവരാണ് മറ്റ് പ്രധാനകഥാപാത്രങ്ങളെ അവതരിപ്പിക്കുന്നത്.
പ്രതികരിക്കാൻ ഇവിടെ എഴുതുക: