വീണ്ടും സിനിമയ്ക്കുള്ളിലെ കഥ പറയാന് ഒരുങ്ങി സ്ക്രീന് പ്ലേ. ചിത്രം സെഞ്ച്വറി വിഷന്റെ ബാനറില് മമ്മി സെഞ്ച്വറിയാണ് നിര്മിക്കുന്നത്. കെ.എസ്. മെഹമൂദ് ആണ് ചിത്രം സംവിധാനം ചെയ്യുന്നത്. പ്രശസ്ത മിമിക്രി താരം പ്രശാന്ത് കാഞ്ഞിരമറ്റം നായകനാകുന്ന ഈ ചിത്രത്തിന്റെ ചിത്രീകരണം പൂര്ത്തിയായി. ജനുവരി രണ്ടാം വാരം ചിത്രം തീയേറ്ററിലെത്തും.
പുതിയ കാലഘട്ടത്തിലെ സിനിമാ കലാകാരന്മാരുടെ കഥ പറയുകയാണ് ഈ ചിത്രം. നല്ല കഥകളുമായി സിനിമാരംഗത്ത് അലയുന്ന ഒരു കഥാകൃത്ത്. അയാളുടെ കുടുംബത്തില് ഉണ്ടാകുന്ന പ്രതിസന്ധി. അതെല്ലാം സഹിച്ച് അയാള് തന്റെ കഥാപാത്രങ്ങളുമായി അലയുന്നു. ഒടുവില് അപ്രതീക്ഷിതമായ ചില സംഭവ വികാസങ്ങളാണ് അയാളുടെ ജീവിതത്തില് ഉണ്ടായത്. പ്രശാന്ത് കാഞ്ഞിരമറ്റം, റസാക് പാരഡൈസ്, റഫീക് ചോക്ലി, കലാഭവന് രഞ്ജിത്ത്, പ്രഗ്യ, അലീന, രാധിക, നാസ്സര്, ഇസ്മയില്, ശ്രി പതി സെബി ഞാറക്കല്, ജയാശിവകുമാര് ,ശ്രീധര്മടമ്പത്ത്, എലിക്കുളം ജയകുമാര്, നന്ദു ലാല്, ഗ്രേഷ്യ അരുണ്, മാസ്റ്റര് കാശിനാഥ്, ബേബി അതിഥി ശിവകുമാര് എന്നിവര് അഭിനയിക്കുന്നു.
സെഞ്ച്വറിവിഷനു വേണ്ടി മമ്മി സെഞ്ച്വറി നിര്മ്മിക്കുന്ന പുതിയ ചിത്രമാണ് ‘സ്ക്രീന് പ്ലേ’ .സംവിധാനം കെ. എസ്. മെഹമൂദ്, തിരക്കഥ- മമ്മി സെഞ്ച്വറി, സംഭാഷണം- രാജേഷ് കോട്ടപ്പടി, ഡിഒപി- ഷെട്ടി മണി, ഗാനങ്ങള്- പ്രജോദ് ഉണ്ണി, സംഗീതം- ബാഷ ചേര്ത്തല, ആലാപനം- പി.ജയചന്ദ്രന്, വിജയ് യേശുദാസ്, കെ.എസ്. ചിത്ര, സലീം, പിആര്ഒ- അയ്മനം സാജന്
