തിരുവനന്തപുരം: താര സംഘടനയായ അമ്മയുടെ മീറ്റിംഗിനായി കൊച്ചിയിലെത്തിയപ്പോള് അവിടെ വച്ച് ഗോകുല് സുരേഷ് ഗോപിയെ കണ്ട അനുഭവം പങ്കുവയ്ക്കുകയാണ് നടന് ഹരീഷ് പേരടി. അച്ഛന്റെ രാഷ്ട്രീയത്തെ ഞാന് വിമര്ശിക്കുന്നത് വായിച്ചിട്ടുണ്ടോ എന്ന് ചോദിച്ചപ്പോള് നിഷ്കളങ്കമായ ഒരു ചിരിയായിരുന്നു ഗോകുല് സുരേഷ് ഗോപിയുടെ മറുപടി. ഇത്തരത്തില് പെരുമാറാന് കഴിഞ്ഞത് മക്കളുടെ ചിന്തയിലേക്ക് ഒന്നും അടിച്ചേല്പ്പിക്കാതെ പൂര്ണ്ണ സ്വാതന്ത്ര്യം കൊടുത്ത വളര്ത്തിയതിനാലാണെന്ന് ഹരീഷ് പേരടി ഫേസ്ബുക്ക് പോസ്റ്റില് കുറിക്കുന്നു. തുടര്ന്ന് താന് ആവശ്യപ്പെട്ട് ഗോകുലുമൊത്ത് ഫോട്ടോയും എടുത്തെന്നും ഹരീഷ് .
പോസ്റ്റിന്റെ പൂര്ണരൂപം-
ഗോകുല് സുരേഷ് ഗോപി..അമ്മയുടെ മീറ്റിംഗില് പങ്കെടുത്തപ്പോള് ഞാന് അങ്ങോട്ട് ആവശ്യപ്പെട്ട എടുത്ത ഫോട്ടോയാണിത്…ഇങ്ങിനെ ഒരു ഫോട്ടോ മാത്രമേ ഞാന് എന്റെ ഫോണില് പകര്ത്തിയിട്ടുള്ളു…പരിചയപ്പെട്ടപ്പോള് ഗോകുലിനെ എനിക്ക് വല്ലാതെ ഇഷ്ടമായി …രണ്ട് വാക്കില് പറഞ്ഞാല്..ശാന്തം..സുന്ദരം..അച്ഛന്റെ രാഷ്ട്രിയത്തെ ഞാന് വിമര്ശിക്കുന്നത് വായിച്ചിട്ടുണ്ടോ എന്ന് ചോദിച്ചപ്പോള്..ഉണ്ടെന്ന് പറഞ്ഞ് നിഷ്കളങ്കമായ ഒരു ചിരിയായിരുന്നു മറുപടി…മക്കളുടെ ചിന്തയിലേക്ക് ഒന്നും അടിച്ചേല്പ്പിക്കാതെ പൂര്ണ്ണ സ്വാതന്ത്ര്യം കൊടുത്ത വളര്ത്തിയ സുരേഷേട്ടനും എന്റെ വലിയ സല്യൂട്ട്..
