പുതുച്ചേരിയിലെ ജവഹര്‍ലാല്‍ നെഹ്‌റു ഇന്‍സ്റ്റിറ്റ്യൂട്ട് ഓഫ് സ്പേസ് ഗ്രാഡുവേറ്റ് മെഡിക്കല്‍ എഡ്യൂക്കേഷന്‍ ആന്റ്‌റിസര്‍ച്ച് (ജിപ്മെര്) ഇനി പറയുന്ന തസ്തികകളില്‍ നിയമനത്തിന് അപേക്ഷകള്‍ ക്ഷണിച്ചു.
മെഡിക്കല്‍ ലബോറട്ടറി ടെക്‌നോളജിസ്റ്റ്, ഒഴിവുകള്‍-12, യോഗ്യത: മെഡിക്കല്‍ ലബോറട്ടറി സയന്‍സില്‍ ബാച്ചിലേഴ്‌സ് ഡിഗ്രിയും രണ്ടുവര്‍ഷത്തെ പ്രവൃത്തിപരിചയവും. പ്രായപരിധി 30 വയസ്. ശമ്പളം 35400 രൂപ.
ജൂനിയര്‍ അഡ്മിനിസ്‌ട്രേറ്റീവ് അസിസ്റ്റന്റ്, ഒഴിവുകള്‍-8. യോഗ്യത: പ്ലസ്ടു/തത്തുല്യ പരീക്ഷ പാസായിരിക്കണം. കമ്പ്യൂട്ടറില്‍ ഇംഗ്ലീഷില്‍ ടൈപ്പിംഗില്‍ മിനിറ്റില്‍ 35 വാക്ക് വേഗതയും, ഹിന്ദി ടൈപ്പിംഗില്‍ മിനിറ്റില്‍ 30 വാക്ക് വേഗതയും ഉണ്ടാകണം. പ്രായപരിധി 30 വയസ്. ശമ്പളം 19,900 രൂപ.
സംവരണ വിഭാഗങ്ങളില്‍പ്പെടുന്നവര്‍ക്ക് ചട്ടപ്രകാരം പ്രായപരിധിയില്‍ ഇളവുണ്ട്. വിശദവിവരങ്ങളടങ്ങിയ വിജ്ഞാപനം www.jipmer.edu.in- ല്‍ ലഭ്യമാണ്. അപേക്ഷാ ഫീസ് 1,500 രൂപ.
എസ്‌സി/എസ്ടി വിഭാഗങ്ങള്‍ക്ക് 1200 രൂപ മതി. നെറ്റ് ബാങ്കിംഗ്/ക്രഡിറ്റ്/ഡബിറ്റ് കാര്‍ഡ് മുഖാന്തിരം ഫീസ് അടയ്‌ക്കാം. അപേക്ഷ നിര്‍ദ്ദേശാനുസരണം ഓണ്‍ലൈനായി ജനുവരി 5 നകം സമര്‍പ്പിക്കാവുന്നതാണ്.
പ്രതികരിക്കാൻ ഇവിടെ എഴുതുക: