കൊച്ചി: സ്‌കൂള്‍ യൂണിഫോം വിഷയത്തില്‍ തീവ്ര ഇസ്ലാമിസ്റ്റുകളുടെ പക്ഷം പിടിച്ച് രാഹുല്‍ ഈശ്വര്‍. പെണ്‍കുട്ടികളെ കൊണ്ട് ആണ്‍കുട്ടികളുടെ വസ്ത്രം ധരിപ്പിക്കുന്നതിലൂടെ പെണ്ണിനെ ആണാക്കാന്‍ ശ്രമിക്കുകയാണെന്ന് രാഹുല്‍ പ്രതികരിച്ചു. ഇത് സാമൂഹ്യപരമായ വിഷയമാണെന്നും രാഹുല്‍ പറഞ്ഞു.
പ്രമുഖ മലയാള വാര്‍ത്താ ചാനല്‍ സംഘടിപ്പിച്ച സായാഹ്ന ചര്‍ച്ചയിലാണ് രാഹുലിന്റെ വിവാദ പരാമര്‍ശം. ചര്‍ച്ചയില്‍ നവീകരിച്ച യൂണിഫോം സംവിധാനത്തെ വിമര്‍ശിച്ച മുസ്ലീം ലീഗ്, സുന്നി യുവജന സംഘം നേതാക്കളെ പിന്തുണക്കുന്ന നിലപാടാണ് രാഹുല്‍ സ്വീകരിച്ചത്.
ജെന്‍ഡര്‍ ന്യൂട്രല്‍ യൂണിഫോം പദ്ധതി നടപ്പാക്കാനൊരുങ്ങുന്ന ബാലുശ്ശേരി ഹയര്‍ സെക്കന്ററി സ്‌കൂള്‍ നടപടിക്കെതിരെ മുസ്ലീം മത സംഘടനകള്‍ രംഗത്തെത്തിയിരുന്നു. നടപടി സ്ത്രീത്വത്തെ അപമാനിക്കുന്നതാണെന്ന് മുസ്ലിം കോര്‍ഡിനേഷന്‍ കമ്മിറ്റി നേതാവ് മജീദ് സഖാഫി പറഞ്ഞു. കുട്ടികളില്‍ ലിബറല്‍ ആശയം അടിച്ചേല്‍പ്പിക്കാനുള്ള നീക്കമാണിത്. പെണ്‍കുട്ടികളുടെ മാനസികാവസ്ഥ പരിഗണിക്കാതെയാണ് തീരുമാനമെടുത്തതെന്നും സഖാഫി പ്രതികരിച്ചു.
ഇകെ, എപി വിഭാഗം സുന്നി സംഘടനകള്‍ ഒന്നടങ്കം ജെന്‍ഡര്‍ ന്യൂട്രല്‍ യൂണിഫോമിനെതിരെ രംഗത്തുവന്നിട്ടുണ്ടെന്ന് മജീദ് സഖാഫി ചൂണ്ടിക്കാട്ടി. മുജാഹിദ് വിഭാഗവും യൂണിഫോമിനെതിരായ സമരത്തില്‍ മുന്നിട്ടുണ്ട്. പെണ്‍കുട്ടികളുടെ യൂണിഫോം മാറ്റാനുള്ള തീരുമാനത്തില്‍ സ്‌കൂളും പിടിഎയും പിന്‍മാറണമെന്നും സഖാഫി ആവശ്യപ്പെട്ടു.
യൂണിഫോമിലെ പരിഷ്‌കാരത്തിനെതിരെ മുസ്ലീം ലീഗും എംഎസ്എഫും രംഗത്തുവന്നിരുന്നു. ജെന്‍ഡര്‍ ന്യൂട്രല്‍ യൂണിഫോം പെണ്‍കുട്ടികളോട് കാണിക്കുന്ന അവഗണനയുടെ ഭാഗമാണെന്ന് എംഎസ്എഫ് പ്രതികരിച്ചു.
പ്രതികരിക്കാൻ ഇവിടെ എഴുതുക: