ന്യൂദല്ഹി: നവീകരിച്ച പിനാക റോക്കറ്റ് വിജയകരമായി വിക്ഷേപിച്ചു. രാജസ്ഥാനിലെ പൊഖ്റാനില് നിന്നാണ് മള്ട്ടിബാരല് മിസൈല് വിക്ഷേപണിയായ പിനാക വിക്ഷേപിച്ചത്. ഡിആര്ഡിഒയുടെ പൂനെ ആസ്ഥാനമായുള്ള ഹൈ എനര്ജി മെറ്റീരിയല്സ് റിസര്ച്ച് ലബോറട്ടറിയും സംയുക്തമായാണ് പിനാക നവീകരിച്ച പതിപ്പ് വികസിപ്പിച്ചത്. ഇനി മിസൈലുകളെ കൂടുതല് ദൂരത്തേക്ക് പായ്ക്കാന് പിനാകയ്ക്ക് കഴിയും.
കൂടുതല് മിസൈലുകളെ ഒരേസമയം തൊടുക്കാന് കഴിവുണ്ട്. സമുദ്ര നിരപ്പില് നിന്നും മിസൈലുകളെ പായിക്കാനാകും. 38 കിലോമീറ്റര് ദൂരത്തുള്ള ലക്ഷ്യം തകര്ക്കാന് കഴിയുമെന്നും ഡിആര്ഡിഒ വൃത്തങ്ങള് അറിയിച്ചു. 90 കിലോമീറ്റര് ദൂരത്തേക്ക് മിസൈലുകളെത്തിക്കാന് പരീക്ഷണങ്ങള് പുരോഗമിക്കുന്നു. 27 കോടി രൂപയാണ് പിനാകയുടെ നിര്മാണ ചെലവ്. 1998ലാണ് ആദ്യമായി പിനാക നിര്മിച്ചത്.
