തിരുവനന്തപുരം: ഹെലികോപ്റ്റര് അപകടത്തില് മരണപ്പെട്ട ഇന്ത്യയുടെ സംയുക്തസേനാ മേധാവിയെ സാമൂഹ്യമാധ്യമങ്ങളില് അപമാനിച്ചതിനെതിരെ നടപടി എടുക്കാത്തതില് പ്രതിഷേധം ശക്തം. ബിപിന് റാവത്തിനെ അപമാനിച്ചവര്ക്കെതിരെ സംസ്ഥാന സര്ക്കാര് നടപടി എടുക്കണമെന്ന് ബിജെപി സംസ്ഥാന അധ്യക്ഷന് കെ. സുരേന്ദ്രന്. രാജ്യം വലിയ ദുരന്തം നേരിട്ടപ്പോള് ആഹ്ലാദിക്കുന്നവര് രാജ്യത്തിന്റെ ശത്രുക്കളാണെന്നും സുരേന്ദ്രന് പറഞ്ഞു.
ഹൈക്കോടതിയിലെ കേരള സര്ക്കാരിന്റെ അഭിഭാഷക നീചമായ രീതിയില് സേനാമേധാവിയെ അപമാനിച്ചിട്ടും ഇടതു സര്ക്കാര് ഒരു നടപടിയുമെടുത്തില്ല. സര്ക്കാരിനും അഭിഭാഷകയുടെ നിലപാട് തന്നെയാണോയെന്ന് മുഖ്യമന്ത്രി വ്യക്തമാക്കണം. ഇവരെ സര്ക്കാര് പ്ലീഡര് തസ്തികയില് നിന്ന് പുറത്താക്കാന് മുഖ്യമന്ത്രി തയ്യാറാകണമെന്നും സുരേന്ദ്രന് ആവശ്യപ്പെട്ടു.
കേരളത്തില് പിണറായിയുടെ ഭരണത്തില് ആര്ക്കും പരസ്യമായി ദേശവിരുദ്ധത പറയാമെന്ന സ്ഥിതിയാണുള്ളതെന്നും സുരേന്ദ്രന് കുറ്റപ്പെടുത്തി.
സംയുക്ത സൈനിക മേധാവി ബിപിന് റാവത്തിനെ അവഹേളിച്ചു ഫേസ്ബുക്ക് പോസ്റ്റിട്ട കേരള സര്ക്കാരിന്റെ അഭിഭാഷക രശ്മിത രാമചേന്ദ്രനെതിരേ രൂക്ഷ വിമര്ശനവുമായി അഡ്വ. എ. ജയശങ്കറും രംഗത്തുവന്നിരുന്നു. ഇന്ത്യന് സേനാനായകന് അപകടത്തില് മരിക്കുമ്പോള് പാക്കിസ്ഥാന്കാര് ആഹ്ലാദിക്കുന്നത് സ്വാഭാവികമാണ്. കശ്മീര് സ്വാതന്ത്ര്യവാദികളുടെ സന്തോഷവും മനസ്സിലാക്കാം. നമ്മുടെ നാട്ടിലെ ജിഹാദികളെ പോലും തെറ്റു പറയാനാകില്ല. എന്നാല്, സുഡാപ്പി മദൂദികളുടെ കയ്യടി കിട്ടാന് ഫേസ്ബുക്ക് പോസ്റ്റിടുന്ന ക്ഷുദ്രജീവികളായ സാംസ്കാരിക നായികമാരെ മുക്കാലിയില് കെട്ടി അടിക്കണമെന്ന് ജയശങ്കര് ഫേസ്ബുക്കില് പ്രതികരിച്ചു.
