കണ്ണന് താമരക്കുളം സംവിധാനം ചെയ്യുന്ന പുതിയ ത്രില്ലര് ചിത്രമായ ‘ഉടുമ്പ്’ വെള്ളിയാഴ്ച തീയേറ്ററുകളിലേക്ക് എത്തും. 150ല് അധികം തീയേറ്ററുകളില് ചിത്രം റിലീസ് ചെയ്യും. സെന്തില് കൃഷ്ണ, ഹരീഷ് പേരടി, അലന്സിയര്, സാജല് സുദര്ശന് എന്നിവരാണ് ചിത്രത്തില് കേന്ദ്ര കഥാപാത്രങ്ങളെ അവതരിപ്പിക്കുന്നത്.
ആക്ഷന് പ്രാധാന്യമുള്ള ചിത്രം റിലീസിന് മുമ്പേ ഹിന്ദി റീമേക്ക് ഉള്പ്പടെ ഇന്ത്യയിലെ മറ്റെല്ലാ ഭാഷകളിലേക്കുള്ള മൊഴി മാറ്റ അവകാശം വിറ്റ ആദ്യ മലായള സിനിമ എന്ന പ്രശസ്തിയും ചിത്രത്തിനാണ്. ചിത്രത്തിന്റെ ഹിന്ദി റീമേക്ക് അവകാശം മാരുതി ട്രേഡിങ് കമ്പനിയും സണ് ഷൈന് മ്യൂസിക്കും ചേര്ന്ന് സ്വന്തമാക്കി. ഈ വര്ഷം അവസാനത്തോടെ ബോളിവുഡില് ചിത്രീകരണം ആരംഭിക്കാനാണ് തീരുമാനം.
24 മോഷന് ഫിലിംസും കെടി മൂവി ഹൗസും ചേര്ന്നാണ് ചിത്രത്തിന്റെ നിര്മാണം. ആഞ്ജലീന, യാമി സോന എന്നിവരാണ് ചിത്രത്തിലെ നായികമാര്. നവാഗതരായ അനീഷ് സഹദേവന്, ശ്രീജിത്ത് ശശിധരന് എന്നിവര് ചേര്ന്നാണ് ചിത്രത്തിന്റെ തിരക്കഥ ഒരുക്കിയിരിക്കുന്നത്. മന്രാജ്, മുഹമ്മദ് ഫൈസല്, വി.കെ. ബൈജു, ജിബിന് സാഹിബ്, എന്.എം. ബാദുഷ, എല്ദോ ടി.ടി, ശ്രേയ അയ്യര് തുടങ്ങിയവരാണ് ചിത്രത്തിലെ മറ്റ് അഭിനേതാക്കള്.
എന്.എം. ബാദുഷ ചിത്രത്തിന്റെ ലൈന് പ്രൊഡ്യൂസറാവുന്നു. സാനന്ദ് ജോര്ജ് ഗ്രേസ്- സംഗീതം. വി.ടി ശ്രീജിത്ത്- എഡിറ്റിങ്, ഛായാഗ്രഹണം- രവിചന്ദ്രന്. പിആര്ഒ- പി. ശിവപ്രസാദ്, സുനിത സുനില്
