കോട്ടയം: ‘കാവല്’ സിനിമയെ ദയവായി ഡീഗ്രേഡിംഗ് ചെയ്യരുതെന്ന് നിര്മാതാവ് ജോബി ജോര്ജ്ജ്. നല്ലവരായ പ്രേക്ഷകരാണ് സിനിമയെയും തന്നെയും വളര്ത്തിയത്. സുരേഷ് ഗോപിയുടെ മാസ്മരിക പ്രകടനമാണ് സിനിമയില് ഉള്ളത്. ഈ സിനിമ ആദ്യം കാണിച്ചത് വീട്ടിലാണ്. അവര് നൂറില് നൂറുമാര്ക്കാണ് നല്കിയത്. അതിനാല് ദയവായി സഹോദരന്മാര് ഡീഗ്രേഡ് ചെയ്യരുത്. നിങ്ങള്ക്ക് ഒരു ശല്ല്യവും ഈ സിനിമ ചെയ്യുന്നില്ല.
ഇവിടെ ഡീഗ്രേഡിംഗ് ചെയ്യപ്പെട്ടതിന്റെ പേരില് ഒരു സിനിമയും തകര്ന്നടിഞ്ഞട്ടില്ല. പബ്ലിസിറ്റി കൊടുത്തതിന്റെ പേരില് വന് വിജയം ആയിട്ടും ഇല്ലാ. ഒരു സിനിമ വിജയിക്കണമെന്നുണ്ടെങ്കില് ആര് എന്ത് ചെയ്താലും ഓടും എന്ന് വിശ്വസിക്കുന്ന ഒരാളാണ് ഞാന്. ഞാന് എടുത്ത സിനിമകളെല്ലാം വിജയം ആണ്. ഗുഡ്വില്ലിന്റെയും ഫാന്സാണ് ഇവരൊക്കെ. ഒരിക്കലും മരക്കാര് സിനിമ വരുന്നത് കൊണ്ട് കാവലിനോ, കാവലുള്ളതുകൊണ്ട് മരക്കാറിനോ ഒന്നും സംഭവിക്കില്ല.
രണ്ട് സിനിമയും അതിന്റെ വഴിക്ക് പോവും. ‘കാവല്’ ഒരു വര്ഷം മുന്പ് റിലീസ് പ്രഖ്യാപിച്ചതാണ്. ഫേസ്ബുക്ക് വഴി ഫാന്സ്കാര് തെറിവിളിക്കുന്നുണ്ട്, പക്ഷെ അത് ഞാന് കാര്യമായി എടുക്കുന്നില്ല. സീസറിനുള്ളത് സീസര്ക്ക് ദൈവത്തിനുള്ളത് ദൈവത്തിന് എന്ന് പറയുന്നത് പോലെ മരക്കാറിനുള്ളത് മരക്കാറിന്, കാവലിനുള്ളത് കാവലിന്. നാളെയാണ് സിനിമ തിയറ്ററുകളില് റിലീസ് ചെയ്യും. ചിത്രത്തില് തമ്പാന് എന്ന കഥാപാത്രമായാണ് സുരേഷ് ഗോപി എത്തുന്നത്.
