ചെന്നൈ: നടന് കമല്ഹാസന് കൊവിഡ് 19 സ്ഥിരീകരിച്ചു. ഇക്കാര്യം സമൂഹമാധ്യമങ്ങളിലൂടെ താരം തന്നെയാണ് അറിയിച്ചത്. അമേരിക്കയില് നിന്ന് മടങ്ങിയെത്തിയ ശേഷം കടുത്ത ചുമ അനുഭവപ്പെട്ടിരുന്നു. തുടര്ന്ന് നടത്തിയ പരിശോധനയിലാണ് രോഗം സ്ഥിരീകരിച്ചത്. കൊവിഡ് നമ്മെ വിട്ടു പോയിട്ടില്ലെന്നും എല്ലാവരും ജാഗ്രതയോടെ ഇരിക്കണമെന്നും കമല്ഹാസന് ട്വീറ്റ് ചെയ്തു. അസുഖത്തിന്റെ പശ്ചാത്തലത്തില് ചെന്നൈയില് ഇന്നു കമല് പങ്കെടുക്കേണ്ടിയിരുന്ന സിനിമയുടെ ഓഡിയോ ലോഞ്ച് പരിപാടി റദ്ദാക്കിയിട്ടുണ്ട്. ചെന്നൈയിലെ ആശുപത്രിയിലാണ് കമല്ഹാസന് ഇപ്പോള്.
ലോകേഷ് കനകരാജ് സംവിധാനം ചെയ്യുന്ന വിക്രം എന്ന ചിത്രത്തിലാണ് കമല്ഹാസന് ഇപ്പോള് അഭിനയിച്ചു കൊണ്ടിരിക്കുന്നത്. കമലിനൊപ്പം വിജയ് സേതുപതി, ഫഹദ് ഫാസില്, നരെയ്ന്, കാളിദാസ് ജയറാം എന്നിവരാണ് ചിത്രത്തില് അഭിനയിക്കുന്നത്. കമലാസന് തന്നെയാണ് ഈ ചിത്രത്തിന്റെ നിര്മ്മാണവും നടത്തുന്നത്.
