പാണ്ഡവപക്ഷത്തു ചേരുന്നതിന് കര്ണനെ കൃഷ്ണന് പ്രബോധിപ്പിച്ചപ്പോള് ദുര്യോധനപക്ഷത്തു ഉറച്ചുനില്ക്കാനാണു തന്റെ തീരുമാനമെന്നു കര്ണന് പറയുന്നു. യുദ്ധത്തില് പാണ്ഡവന്മാര്ക്ക് വിജയമുണ്ടാകുമെന്നുള്ള അഭിപ്രായം കൃഷ്ണന് കര്ണനോട് പറയുന്നു. പാണ്ഡവ വിജയത്തെയും കൗരവ പരാജയത്തെയും താന് സ്വപ്നത്തില് കണ്ടതായി കര്ണന് പറയുന്നു. സ്വപ്നത്തില് രോമഹര്ഷണമായ രംഗങ്ങള് കണ്ടുവെന്നു പറഞ്ഞ കര്ണന് ഗ്രഹനിലയില്വന്ന മാറ്റവും അതു സൂചിപ്പിക്കുന്ന വിപത്തുകളും ജ്യോതിഷപരമായി വിശദീകരിച്ചിട്ട് കൗരവപക്ഷത്തിനു നാശമെന്നുതന്നെ വിലയിരുത്തുന്നു.
കര്ണന് പറയുന്നു: വീരക്ഷത്രിയര് ചത്തീടുന്ന വന്പോരു കടന്നുടന് ജീവനോടെ ഞങ്ങള് കൃഷ്ണാ! നിന്നെക്കാണുകയില്ലയോ?
അല്ലെങ്കിലുണ്ടാം സ്വര്ഗ്ഗത്തില് കൃഷ്ണ, നമ്മള്ക്കു സംഗമംഇനി നിന്നോടായവിടെച്ചേരുവേനനഘാശയാ!
കര്ണന് ഇതു പറഞ്ഞിട്ടു കൃഷ്ണനെ ഗാഢം പുണര്ന്നു. കൃഷ്ണന് കര്ണന്റെ തേര്വിട്ടു സ്വന്തം തേരിലേക്കു പോയി.
ഗീത
ഗീതയും ഗംഗയും ഗായത്രിയും ഗോവിന്ദനും ശരി
ഗഗാകാരം നാലുമായ്ച്ചേര്ന്നാല് പുനര്ജ്ജന്മം പെടാ ദൃഢം
ഗീതയെയും ഗംഗയെയും ഗോവിന്ദനെയും പൂജിക്കുകയും ബ്രഹ്മഗാത്രമാകുന്ന ഗായത്രി ചൊല്ലുകയും ചെയ്താല് ഒരിക്കലും പുനര്ജ്ജന്മം ഉണ്ടാകുകയില്ല.
ഭീഷ്മര്
ഭീഷ്മര് പറഞ്ഞു:
അറനൂറുശ്ലോകമിരുപതും കല്പിച്ചുകേശവന്
അമ്പത്തേഴര്ജ്ജുനന് ചൊല്ലിയറുപത്തേഴു സഞ്ജയന്
ധൃതരാഷ്ട്രന് ശ്ലോകമൊന്നു ഗീതയ്ക്കുള്ള കണക്കിതാം
ഭാരതാമൃതസര്വസ്വം ഗീതകൊണ്ടു കടഞ്ഞുടന്
സത്തെടുത്തര്ജ്ജുനമുഖേ ഹോമിച്ചു കൃഷ്ണനിങ്ങനെ
(ഗീതയ്ക്ക് ഇങ്ങനെ ആകെ 745 ശ്ലോകങ്ങള്)
കവന മന്ദിരം പങ്കജാക്ഷന്
