ന്യൂദല്‍ഹി: പ്രധാനമന്ത്രി നരേന്ദ മോദി ആര്‍ബിഐയുടെ രണ്ട് നൂതന ഉപഭോക്തൃ കേന്ദ്രീകൃത സംരംഭങ്ങള്‍ക്ക് തുടക്കം കുറിച്ചു . റീട്ടെയില്‍ ഡയറക്ട് സ്‌കീം, റിസര്‍വ് ബാങ്ക് – ഇന്റഗ്രേറ്റഡ് ഓംബുഡ്സ്മാന് സ്‌കീം എന്നിവയാണ് ന്യൂ ഡല്‍ഹിയില്‍ ഇന്ന് വീഡിയോ കോണ്‍ഫറന്‍സ് വഴി തുടക്കമിട്ടത്. കേന്ദ്ര ധനകാര്യ, കോര്‍പ്പറേറ്റ് കാര്യ മന്ത്രി . നിര്‍മല സീതാരാമന്‍, റിസര്‍വ് ബാങ്ക് ഗവര്‍ണര്‍ ശക്തികാന്ത ദാസ് എന്നിവരും ചടങ്ങില്‍ പങ്കെടുത്തു.
പരിപാടിയെ അഭിസംബോധന ചെയ്തുകൊണ്ട്, മഹാമാരിയുടെ സമയത്ത് ധനമന്ത്രാലയത്തെയും ആര്‍ബിഐ പോലുള്ള സ്ഥാപനങ്ങളുടെ പ്രവര്‍ത്തനങ്ങളെ പ്രധാനമന്ത്രി പ്രശംസിച്ചു. അമൃത് മഹോത്സവത്തിന്റെ ഈ കാലഘട്ടം, ഇരുപത്തിയൊന്നാം നൂറ്റാണ്ടിലെ ഈ ദശകം രാജ്യത്തിന്റെ വികസനത്തിന് വളരെ പ്രധാനമാണ്. അത്തരമൊരു സാഹചര്യത്തില്‍ ആര്‍ബിഐയുടെ പങ്ക് വളരെ വലുതാണ്. ആര്‍ബിഐ ടീം രാജ്യത്തിന്റെ പ്രതീക്ഷയ്‌ക്കൊത്ത് ഉയരുമെന്ന് എനിക്ക് വിശ്വാസമുണ്ട്”, പ്രധാനമന്ത്രി പറഞ്ഞു.
ഇന്ന് ആരംഭിച്ച രണ്ട് പദ്ധതികളെ പരാമര്‍ശിച്ച്, ഈ പദ്ധതികള്‍ രാജ്യത്തെ നിക്ഷേപത്തിന്റെ വ്യാപ്തി വിപുലീകരിക്കുമെന്നും നിക്ഷേപകര്‍ക്ക് കൂടുതല്‍ സുരക്ഷിതമായ മൂലധന വിപണികളിലേക്കുള്ള പ്രവേശനം എളുപ്പമാക്കുമെന്നും പ്രധാനമന്ത്രി പറഞ്ഞു. റീട്ടെയില്‍ ഡയറക്ട് സ്‌കീം രാജ്യത്തെ ചെറുകിട നിക്ഷേപകര്‍ക്ക് ഗവണ്മെന്റ് സെക്യൂരിറ്റികളില്‍ ലളിതവും സുരക്ഷിതവുമായ നിക്ഷേപ മാധ്യമം നല്‍കി. അതുപോലെ, ഒരു രാജ്യം, ഒരു ഓംബുഡ്സ്മാന് സംവിധാനം ഇന്ന് സംയോജിത ഓംബുഡ്സ്മാന് പദ്ധതിയിലൂടെ ബാങ്കിംഗ് മേഖലയില്‍ രൂപപ്പെട്ടുവെന്ന് അദ്ദേഹം പറഞ്ഞു.
ഈ പദ്ധതികളുടെ പൗരകേന്ദ്രീകൃത സ്വഭാവത്തിന് പ്രധാനമന്ത്രി ഊന്നല്‍ നല്‍കി. ഏതൊരു ജനാധിപത്യത്തിന്റെയും ഏറ്റവും വലിയ ഉരകല്ലുകളിലൊന്ന് അതിന്റെ പരാതി പരിഹാര സംവിധാനത്തിന്റെ ശക്തിയാണെന്ന് അദ്ദേഹം പറഞ്ഞു. ഇന്റഗ്രേറ്റഡ് ഓംബുഡ്സ്മാന് പദ്ധതി ആ ദിശയില്‍ ഏറെ മുന്നോട്ടുപോകും. അതുപോലെ, റീട്ടെയില്‍ ഡയറക്ട് സ്‌കീം, ഇടത്തരക്കാര്‍, ജീവനക്കാര്‍, ചെറുകിട വ്യവസായികള്‍, മുതിര്‍ന്ന പൗരന്മാര്‍ എന്നിവരെ അവരുടെ ചെറുകിട സമ്പാദ്യങ്ങള്‍ ഗവണ്മെന്റ് സെക്യൂരിറ്റികളില്‍ നേരിട്ടും സുരക്ഷിതമായും കൊണ്ടുവരുന്നതിനാല്‍ സമ്പദ്വ്യവസ്ഥയില്‍ എല്ലാവരേയും ഉള്‍പ്പെടുത്തുന്നതിന് ശക്തി നല്‍കും. ഗവണ്മെന്റ് സെക്യൂരിറ്റികള്‍ക്ക് ഗ്യാരണ്ടീഡ് സെറ്റില്‍മെന്റിന്റെ വ്യവസ്ഥയുള്ളതിനാല്‍, ഇത് ചെറുകിട നിക്ഷേപകര്‍ക്ക് സുരക്ഷിതത്വത്തിന്റെ ഉറപ്പ് നല്‍കുന്നു, അദ്ദേഹം പറഞ്ഞു.
കഴിഞ്ഞ 7 വര്‍ഷത്തിനിടയില്‍, നിഷ്‌ക്രിയ ആസ്തികള്‍ സുതാര്യതയോടെ തിരിച്ചറിഞ്ഞു, പരിഹാരത്തിലും വീണ്ടെടുക്കലിലും ശ്രദ്ധ കേന്ദ്രീകരിച്ചു, പൊതുമേഖലാ ബാങ്കുകള്‍ പുനര്‍മൂലധനവല്‍ക്കരിച്ചു, സാമ്പത്തിക വ്യവസ്ഥയിലും പൊതുമേഖലാ ബാങ്കുകളിലും ഒന്നിനുപുറകെ ഒന്നായി പരിഷ്‌കാരങ്ങള്‍ നടപ്പാക്കിയെന്ന് പ്രധാനമന്ത്രി പറഞ്ഞു. ബാങ്കിംഗ് മേഖലയെ കൂടുതല്‍ ശക്തിപ്പെടുത്തുന്നതിനായി സഹകരണ ബാങ്കുകളെയും ആര്‍ബിഐയുടെ പരിധിയില്‍ കൊണ്ടുവന്നിട്ടുണ്ടെന്നും അദ്ദേഹം കൂട്ടിച്ചേര്‍ത്തു. ഇതുമൂലം ഈ ബാങ്കുകളുടെ ഭരണവും മെച്ചപ്പെടുന്നുണ്ടെന്നും നിക്ഷേപകര്‍ക്കിടയില്‍ ഈ സംവിധാനത്തിലുള്ള വിശ്വാസം ശക്തമാകുകയാണെന്നും അദ്ദേഹം കൂട്ടിച്ചേര്‍ത്തു.
കഴിഞ്ഞ കുറച്ച് വര്‍ഷങ്ങളായി, രാജ്യത്തിന്റെ ബാങ്കിംഗ് മേഖലയില്‍ സാമ്പത്തിക രംഗത്തെ ഉള്‍പ്പെടുത്തല്‍ മുതല്‍ സാങ്കേതിക സംയോജനം വരെയുള്ള പരിഷ്‌കാരങ്ങള്‍ നടപ്പിലാക്കിയതായി പ്രധാനമന്ത്രി പറഞ്ഞു. ”കോവിഡിന്റെ ഈ പ്രയാസകരമായ സമയത്ത് അവരുടെ ശക്തി നാം കണ്ടു. സമീപകാലത്ത് ഗവണ്മെന്റ് എടുത്ത വലിയ തീരുമാനങ്ങളുടെ ആഘാതം വര്‍ധിപ്പിക്കാന്‍ ആര്‍ബിഐയുടെ തീരുമാനങ്ങളും സഹായിച്ചു,’ അദ്ദേഹം പറഞ്ഞു.
6-7 വര്‍ഷം മുമ്പ് വരെ ബാങ്കിംഗ്, പെന്‍ഷന്‍, ഇന്‍ഷുറന്‍സ് എന്നിവ ഇന്ത്യയിലെ ഒരു എക്സ്‌ക്ലൂസീവ് ക്ലബ് പോലെയായിരുന്നുവെന്ന് പ്രധാനമന്ത്രി ചൂണ്ടിക്കാട്ടി . രാജ്യത്തെ സാധാരണ പൗരന്മാര്‍ക്ക്, പാവപ്പെട്ട കുടുംബങ്ങള്‍, കര്‍ഷകര്‍, ചെറുകിട വ്യാപാരികള്‍-വ്യാപാരികള്‍, സ്ത്രീകള്‍, ദളിതര്‍-പരാജിതര്‍-പിന്നാക്കക്കാര്‍ തുടങ്ങിയവര്‍ക്ക് ഈ സൗകര്യങ്ങളെല്ലാം പ്രാപ്യമായിരുന്നില്ല. മുന്‍കാല സമ്പ്രദായത്തെ വിമര്‍ശിച്ചുകൊണ്ട് പ്രധാനമന്ത്രി പറഞ്ഞു. പാവപ്പെട്ടവര്‍ക്കുള്ള ഈ സൗകര്യങ്ങള്‍ ഒരിക്കലും ശ്രദ്ധിച്ചില്ല. പകരം, മാറാത്തതിന് പല ഒഴികഴിവുകളും നിരത്തി. ബാങ്ക് ശാഖയില്ല, ജീവനക്കാരില്ല, ഇന്റര്‍നെറ്റില്ല, ബോധവല്‍ക്കരണമില്ല, എന്നൊക്കെയാണ് പറഞ്ഞിരുന്നത്, പ്രധാനമന്ത്രി ചൂണ്ടിക്കാട്ടി.
വളരെ ചുരുങ്ങിയ സമയത്തിനുള്ളില്‍ ഡിജിറ്റല്‍ ഇടപാടുകളുടെ കാര്യത്തില്‍ യുപിഐ ഇന്ത്യയെ ലോകത്തെ മുന്‍നിര രാജ്യമാക്കി മാറ്റിയതായി പ്രധാനമന്ത്രി പറഞ്ഞു. കേവലം 7 വര്‍ഷത്തിനുള്ളില്‍ ഡിജിറ്റല്‍ ഇടപാടുകളുടെ കാര്യത്തില്‍ ഇന്ത്യ 19 മടങ്ങ് കുതിച്ചുയര്‍ന്നു. ഇന്ന് നമ്മുടെ ബാങ്കിംഗ് സംവിധാനം 24 മണിക്കൂറും 7 ദിവസവും 12 മാസവും ഏത് സമയത്തും രാജ്യത്ത് എവിടെയും പ്രവര്‍ത്തനക്ഷമമാണ്, മോദി ഊന്നിപ്പറഞ്ഞു.
രാജ്യത്തെ പൗരന്മാരുടെ ആവശ്യങ്ങള്‍ കേന്ദ്രസ്ഥാനത്ത് നിലനിര്‍ത്തുകയും നിക്ഷേപകരുടെ വിശ്വാസം ദൃഢമാക്കുകയും ചെയ്യണമെന്ന് പ്രധാനമന്ത്രി പറഞ്ഞു. സെന്‍സിറ്റീവും നിക്ഷേപസൗഹൃദവുമായ ലക്ഷ്യസ്ഥാനമെന്ന നിലയില്‍ ഇന്ത്യയുടെ പുതിയ ഐഡന്റിറ്റിയെ ആര്‍ബിഐ ശക്തിപ്പെടുത്തുന്നത് തുടരുമെന്ന് എനിക്ക് ഉറപ്പുണ്ട്. പ്രധാനമന്ത്രി ഉപസംഹരിച്ചു.
