തിരുവനന്തപുരം : തിരുവനന്തപുരത്തെ ദൂരദര്ശന് കേന്ദ്രത്തിലെ സ്ത്രീകളുടെ ശുചിമുറിയില് നിന്ന് ഒളിക്യാമറ കണ്ടെടുത്തു. ശുചിമുറിയില് കയറിയ ജീവനക്കാരിയാണ് ക്യാമറ കണ്ടെത്തിയത്. സംഭവവുമായി ബന്ധപ്പെട്ട് സ്ഥാപനത്തിലെ താത്കാലിക ജീവനക്കാരനെ പുറത്താക്കിയതായി അധികൃതര് അറിയിച്ചു. കോണ്ഗ്രസ് നേതാവ് കൊടിക്കുന്നില് സുരേഷിന്റെ സഹോദര പുത്രന് ഷിജു കൊടിക്കുന്നിലിനെയാണ് പുറത്താക്കിയത്.
പ്രധാന സ്റ്റുഡിയോയ്ക്ക് സമീപമുള്ള ശുചിമുറിയിലാണ് ക്യാമറ സ്ഥാപിച്ചത്. കേന്ദ്രത്തിന്റെ ഉന്നത ഉദ്യോഗസ്ഥര് സൈബര് സെല്ലിലും പേരൂര്ക്കട പോലീസിലും പരാതി നല്കി.
പോലീസ് ദൂരദര്ശന് കേന്ദ്രത്തിലെത്തി ബന്ധപ്പെട്ടവരുടെ എല്ലാം മൊഴി എടുത്തു. തന്റെ ക്യാമറ കളഞ്ഞു പോയി എന്നാണ് ഷിജു പോലീസിനോടു പറഞ്ഞിരിക്കുന്നത്. ദൂരദര്ശനിലെ ഉന്നത ഉദ്യോഗസ്ഥര് അടങ്ങുന്ന വനിതാ കമ്മിറ്റിയും അച്ചടക്ക സമിതിയും വിഷയം ഗൗരവമായാണ് കാണുന്നതെന്ന് അധികൃതര് വ്യക്തമാക്കി. അതിഥികളായ വിഐപികളും ജീവനക്കാരും ഉപയോഗിക്കുന്ന ശുചിമുറിയിലാണ് ക്യാമറ കണ്ടത്.
കലാരംഗത്തും രാഷ്ട്രീയത്തിലും ഉള്പ്പെടെ എല്ലാ രംഗത്തുമുള്ള പ്രമുഖവ്യക്തികള് പ്രത്യേക ക്ഷണിതാക്കളായി എത്താറുണ്ട്. സിനിമാ താരങ്ങള്, കലാകാരന്മാര്, വിദ്യാര്ത്ഥികള് ഉള്പ്പെടെയള്ളവര് ദൂരദര്ശനില് വിവിധ പരിപാടികള്ക്കായി സ്ററുഡിയോയില് എത്തുന്നു. ദൂരദര്ശന് ക്ഷണിച്ചു വരുത്തുന്ന ഇവരുടെ എല്ലാം സ്വകാര്യതയെ ആശങ്കയിലാക്കിയിരിക്കുകയാണ് ഒളിക്യാമറ
