തൃശൂര്‍: കേരളാ എന്‍സിസി ചരിത്രത്തിലെ ആദ്യ വനിതാ കമാന്റിങ് ഓഫീസര്‍ മേജര്‍ എംസി ആനന്ദവല്ലി(92)മരിച്ചു. ഇന്നലെ വൈകുന്നേരം തൃശൂര്‍ ചെമ്പുക്കാവിലുള്ള മകളുടെ വസതിയില്‍വെച്ചായിരുന്നു അന്ത്യം.
കേരളാ, തമിഴ്‌നാട് സംസ്ഥാനങ്ങളിലായി എന്‍സിസിയിലെ വിവിധ തസ്തികളില്‍ 1960 മുതല്‍ 1975 വരെ പ്രവര്‍ത്തിച്ചു. 1969 മുതല്‍ 1971 വരെയുള്ള കാലഘട്ടത്തിലാണ് തൃശ്ശൂരില്‍ 7 കേരളാ ഗേള്‍സ് ബറ്റാലിയന്റെ കമാന്റിങ് ഓഫീസര്‍ ചുമതല വഹിച്ചത്. ബറ്റാലിയന്റെ സ്ഥാപക കമാന്റിങ് ഓഫീസറുമായിരുന്നു ആനന്ദവല്ലി. കേരളാ ഗേള്‍സ് ബറ്റാലിയന്റെ സുവര്‍ണ്ണജൂബിലി ആഘോഷിച്ച 2019ല്‍ ആനന്ദവല്ലിയെ ബറ്റാലിയന്‍ ആദരിച്ചിരുന്നു.
ആനന്ദവല്ലിയുടെ നിര്യാണത്തില്‍ മുന്‍ കമാന്റിങ് ഓഫീസര്‍ കേണല്‍ എച്ച് പദ്മനാഭനടക്കം നിരവധി പ്രമുഖര്‍ അനുശോചനം അറിയിച്ചു.
