തിരുവനന്തപുരം: കേന്ദ്രസര്ക്കാറിനെ മാതൃകയാക്കി സംസ്ഥാന സര്ക്കാരും ഇന്ധനനികുതി കുറയ്ക്കണമെന്ന് ബിജെപി സംസ്ഥാന അധ്യക്ഷന് കെ.സുരേന്ദ്രന് ആവശ്യപ്പെട്ടു. ഇന്ധനവില വര്ദ്ധനവില് കേന്ദ്രസര്ക്കാരിനെ പഴിചാരി ജനങ്ങളുടെ കണ്ണില്പൊടിയിടാനുള്ള സംസ്ഥാന സര്ക്കാരിന്റെ എല്ലാ അടവും പൊളിഞ്ഞു കഴിഞ്ഞു. ഇനിയെങ്കിലും ജനദ്രോഹ നടപടിയില് നിന്നും പിന്മാറാന് ഇടതു സര്ക്കാര് തയ്യാറാവണം.
മറ്റു പല സംസ്ഥാനങ്ങളും നികുതി കുറച്ച് കേന്ദ്രത്തിന് പിന്തുണ നല്കിയിട്ടും കേരള സര്ക്കാര് തപ്പിതടയുകയാണ്. കേന്ദ്രം നികുതി കുറച്ചാല് കേരളവും നികുതി കുറയ്ക്കാമെന്ന വാഗ്ദാനം പാലിക്കാന് ധനകാര്യ മന്ത്രി തയ്യാറാവണം. നികുതി കുറയ്ക്കാന് സംസ്ഥാന സര്ക്കാര് തയ്യാറായില്ലെങ്കില് ശക്തമായ പ്രക്ഷോഭത്തിന് ബിജെപി നേതൃത്വം നല്കുമെന്നും സുരേന്ദ്രന് അറിയിച്ചു.
