പാലക്കാട് : തിങ്കളാഴ്ച രാത്രിയില് അട്ടപ്പാടിയിലുണ്ടായ മഴവെള്ളപ്പാച്ചിലില് റോഡ് പൂര്ണ്ണമായും ഒഴുകിപ്പോയി. ചാളയൂരിലെ റോഡാണ് ഒഴുകിപ്പോയത്. റോഡിന്റെ നവീകരണ പ്രവര്ത്തനങ്ങള് പുരോഗമിക്കുന്നതിനിടയിലാണ് രാത്രിയുണ്ടായ കനത്ത മഴയില് റോഡ് ഒഴുകി പോയത്.
അട്ടപ്പാടിയില് തിങ്കളാഴ്ച കനത്ത മഴയാണ് അട്ടപ്പാടി മേഖലയില് ഉണ്ടായിരുന്നത്. അട്ടപ്പാടി താവളത്ത് നിന്ന് ഊട്ടിയിലേക്ക് പോകുന്ന റോഡാണ് ഇത്. റോഡ് ഒലിച്ചുപോയതോടെ താഴെ മുള്ളി, മേലെ മുള്ളി, കാരത്തൂര് തുടങ്ങിയ ആദിവാസി ഊരുകള് ഇതോടെ ഒറ്റപ്പെട്ട അവസ്ഥയിലാണ്. സ്കൂള് കുട്ടികള്, പാല് വണ്ടി, ഓഫീസ് ജീവനക്കാര് ഉള്പ്പെടെ മറുഭാഗത്തേക്ക് കടക്കാനാകാതെ നില്ക്കുകയാണ്.
താവളം മുതല് മുള്ളി വരെയുള്ള റോഡ് നിര്മാണ് പുരോഗമിക്കുകയാണ്. ഇതിനായി ഉപയോഗിച്ച ഓവ് പൈപ്പിന് ഗുണനിലവാരമില്ലാത്തതാണ് ഇത്തരത്തില് റോഡ് തകരാന് കാരണമെന്നാണ് നാട്ടുകാര് ആരോപിക്കുന്നത്. ഇത് നിര്മാണ സമയത്ത് തന്നെ ചൂണ്ടിക്കാട്ടിയിരുന്നുവെന്ന് പ്രദേശവാസികള് പറയുന്നു.
ശക്തമായ മഴയെ തുടര്ന്ന് റോഡിന്റെ നവീകരണ പ്രവര്ത്തനങ്ങള്ക്കായി ഇനിയും സമയമെടുക്കുമെന്നാണ് വിവരം. നിരവധി കുടുംബമാണ് റോഡിന്റെ അക്കരെ കുടുങ്ങിക്കിടക്കുന്നത്. ഇവര്ക്കായി താത്കാലിക സംവിധാനമൊരുക്കാനുള്ള ശ്രമങ്ങള് ആരംഭിച്ചിട്ടുണ്ട്.
