കൊച്ചി:ഈയിടെ കേന്ദ്ര പ്രതിരോധമന്ത്രി രാജ്നാഥ് സിങിന്റെ ചില ഇടപെടലുകള് മൂലം ലക്ഷദ്വീപില് മാസങ്ങളായി പുകഞ്ഞ സംഘര്ഷത്തിന് അയവ് വരുന്നു. കേന്ദ്ര സര്ക്കാരിന്റെ അറിവോടെയാണ് രാജ്നാഥ് സിങിന്റെ ഈ ഇടപെടല് എന്നറിയുന്നു.
ഇതിന് ബിജെപി കേന്ദ്രനേതൃത്വത്തിന്റെയും പിന്തുണയുണ്ട്. ഈയിടെ ലക്ഷദ്വീപ് സന്ദര്ശിച്ചപ്പോള് രാജ്നാഥ് സിങ് പറഞ്ഞ ഒരു വാചകം ഇപ്പോഴും പ്രതീക്ഷയുടെ വെളിച്ചമായി ലക്ഷദ്വീപുകാരുടെ മനസ്സില് മുഴങ്ങുന്നുണ്ട്:”ദ്വീപുകാരുടെ രാജ്യസ്നേഹത്തെ ആര്ക്കും ചോദ്യം ചെയ്യാന് കഴിയില്ല”- ഇതായിരുന്നു രാജ്നാഥ് സിങിന്റെ പ്രസ്താവന.
ഗാന്ധിജയന്തി ആഘോഷത്തില് ലക്ഷദ്വീപ് എംപിയെ പങ്കെടുപ്പിക്കുന്നതിനും രാജ്നാഥ് സിങ് മുന്കയ്യെടുത്തിരുന്നു. ഇതോടെ ലക്ഷദ്വീപ് എംപി പി.പി. മുഹമ്മദ് ഫൈസലും ഗാന്ധിജയന്തി ആഘോഷങ്ങളില് സംബന്ധിച്ചു. ഇതോടെ സേവ് ലക്ഷദ്വീപ് ഫോറവും ഗാന്ധിജയന്തി ആഘോഷത്തില് പങ്കെടുത്തു. പിന്നീട് രാജ്നാഥ് സിങ് ഇവരുമായി പ്രത്യേകം ചര്ച്ച നടത്തി.
