ലണ്ടന്: യൂറോപ്പ കപ്പില് ലസ്റ്റര് സിറ്റിക്ക് അട്ടിമറി തോല്വി. ലഗിയ വാര്സോവാണ് ഇംഗ്ലീഷ് പ്രീമിയര് ലീഗ് ടീമായ ലെസ്റ്ററിനെ അട്ടിമറിച്ചത്. എതിരില്ലാത്ത ഒര് ഗോളിനായിരുന്നു ലെസ്റ്ററിന്റെ തോല്വി. 31-ാം മിനിറ്റില് മാഹിര് എമ്രേലി ലഗിയയെ മുന്നിലെത്തിച്ചു. അവസരങ്ങള് ലഭിച്ചിട്ടും മുതലാക്കാന് സാധിക്കാതെ പോയതാണ് ലസ്റ്ററിന് തിരിച്ചടിയായത്. മറ്റൊരു മത്സരത്തില് ഹാരി കെയ്നിന്റെ ഹാട്രിക് മികവില് ടോട്ടനം വിജയിച്ച് കയറി. മുറയെ തോല്പ്പിച്ചത് ഒന്നിനെതിരെ അഞ്ച് ഗോളുകള്ക്ക്.
നാപ്പോളിയെ സ്പാര്തക് മോസ്കോ അട്ടിമറിച്ചു. രണ്ടിനെതിരെ മൂന്ന് ഗോളുകള്ക്കായിരുന്നു സ്പാര്തക്ക് വിജയം. ക്വിന്സി പ്രോംസിന്റെ ഇരട്ട ഗോളാണ് സ്പാര്തക്കിനെ വിജയത്തിലെത്തിച്ചത്. കളി തുടങ്ങി ആദ്യ മിനിറ്റില് തന്നെ എല്ജിഫ് എല്മാസ് നാപ്പോളിയെ മുന്നിലെത്തിച്ചു. രണ്ടാം പകുതിയിലായിരുന്നു സ്പാര്തക്കിന്റെ തിരിച്ചു വരവ്. 55-ാം മിനിറ്റില് പ്രോംസ് ഗോള് നേടി. 80-ാം മിനിറ്റില് മിഖായേല് ഇഗ്നതോവ് ലീഡ് നല്കി. 90-ാം മിനിറ്റിലായിരുന്നു പ്രോംസിന്റെ വിജയ ഗോള്. അധിക സമയത്ത് നാപ്പോളി രണ്ടാം ഗോള് നേടിയെങ്കിലും തോല്വി ഒഴിവാക്കാനായില്ല.
