ശ്രീനഗര്‍: കശ്മീരിലെ ഹബന്ദിപ്പോര ജില്ലാ അധ്യക്ഷന്‍ വസീം ബാരിയേയും കുടുംബത്തെയും കൊലപ്പെടുത്തിയ ഭീകരനെ വധിച്ച് സൈന്യം. പോലീസുമായി ചേര്‍ന്ന് നടത്തിയ തെരച്ചിലിനെ തുടര്‍ന്ന് ഉണ്ടായ വെടിവെയ്‌പ്പിലാണ് വസീം ബാരിയുടെ ഘാതകനെ അടക്കം രണ്ട് ഭീകരരെ സൈന്യം വധിച്ചത്. ജനവാസ മേഖലയായ വത്‌റീനയില്‍ വെച്ചാണ് ഭീകരരും സൈന്യവും ഏറ്റുമുട്ടിയത്.
സൈന്യത്തെ കണ്ട ഭീകരര്‍ വെടിയുതിര്‍ക്കുകയും തുടര്‍ന്ന് നടന്ന ഏറ്റുമുട്ടലില്‍ ഇരുവരേയും വധിക്കുകയായിരുന്നു. കൊല്ലപ്പെട്ട ഭീകരവാദികളുടെ പക്കല്‍ നിന്നും ആയുധങ്ങഴള്‍ പിടിച്ചെടുത്തിട്ടുണ്ട്.
ഈ വര്‍ഷം ജൂലായിലാണ് ബിജെപി ബന്ദിപ്പോര ജില്ല അധ്യക്ഷന്‍ വസീം അഹമ്മദ് ബാരി അദേഹത്തിന്റെ പിതാവ് ബഷീര്‍ അഹമ്മദ്, സഹോദരന്‍ ഒമര്‍ ബാരി എന്നിവരെ ഭീകരര്‍ കൊലപ്പെടുത്തിയത്. കച്ചവട സ്ഥാപനത്തില്‍ കടന്നുകയറിയായിരുന്നു വെടിവെച്ച് കൊന്നത്.
പ്രതികരിക്കാൻ ഇവിടെ എഴുതുക: