എയ്സ് കോര്പ്പറേഷന്റെ ബാനറില് സുധിന് വാമറ്റം സംവിധാനം ചെയ്ത ‘ആലീസ് ഇന് പാഞ്ചാലിനാട്’ സൈന പ്ലേ ഒടിടിയില് റിലീസായി. ഇരുന്നൂറോളം പുതുമുഖങ്ങള് അഭിനയിക്കുന്ന ഈ ചിത്രത്തില് അജയ് മാത്യൂവാണ് നായക കഥാപാത്രത്തെ അവതരിപ്പിക്കുന്നത്. ബോളിവുഡ് താരം കാമ്യ അലാവത്താണ് നായിക.
അനില് മുരളി, പൊന്നമ്മ ബാബു, കെടിഎസ് പടന്നയില്, ജയിംസ് കൊട്ടാരം, അമല് സുകുമാരന്, തൊമ്മന് മങ്കുവ , കലാഭവന് ജയകുമാര്, ശില്പ,ജോളി ഈശോ, സൈമണ് കട്ടപ്പന എന്നിവരാണ് മറ്റു പ്രധാന കഥാപാത്രങ്ങളെ അവതരിപ്പിക്കുന്നത്. ഛായാഗ്രാഹണം- പി.സുകുമാര്.
അരുണ് വി. സജീവാണ് കഥ തിരക്കഥ സംഭാഷണമെഴുതുന്നത്. കള്ളന്മാരുടെ ഗ്രാമം എന്ന പേരില് അറിയപ്പെടുന്ന പാഞ്ചാലിനാട്ടില് നടക്കുന്ന ത്രില്ലര് മുഹൂര്ത്തങ്ങളാണ് ഈ ചിത്രത്തില് ദൃശൃവല്ക്കരിക്കുന്നത്. അമ്പതിലധികം ലൊക്കേഷനുകളിലായി ചിത്രീകരിച്ച സിനിമയില് റഷീദ് മുഹമ്മദ്, മുജീബ് മജീദ് എന്നിവര് സംഗീത സംവിധാനം നിര്വ്വഹിക്കുന്നു.
തീഫ് ത്രില്ലര് ചിത്രമായ ആലീസ് ഇന് പാഞ്ചാലി നാടില് തസ്കരവീരന്മാരുടെ സങ്കേതമായ തിരുട്ടുഗ്രാമത്തില് എത്തിപ്പെടുന്ന ആലീസ് എന്ന പെണ്കുട്ടിയുടെ കഥയാണ്. ഇടുക്കി എറണാകുളം ജില്ലകളുടെ പശ്ചാത്തലത്തില് സുധിന് വാമറ്റം പറയുന്നത്. എഡിറ്റിങ്- ഉണ്ണി മലയില്, വാര്ത്ത പ്രചരണം-എ എസ് ദിനേശ്
