കാബൂള്: താലിബാന് സര്ക്കാര് അധികാരമേറ്റെടുക്കുന്നു എന്ന പ്രതീകാത്മക സൂചന നല്കി താലിബാന്റെ കൊടി അഫ്ഗാനിസ്ഥാനിലെ പ്രസിഡന്റ് കൊട്ടാരത്തിന് മുകളില് ഉയര്ന്നു. വെളുപ്പും കറുപ്പും നിറമുള്ളതാണ് താലിബാന്റെ പതാക. യുഎസ് എംബസി കെട്ടിടത്തിന്റെ പ്രവേശനകവാടത്തില് താലിബാന് അവരുടെ പതാക പെയിന്റ് ചെയ്തിട്ടുമുണ്ട്.
ശനിയാഴ്ച നടന്ന ഒരു ചെറിയ ചടങ്ങിലാണ് കൊടി ഉയര്ത്തിയത്. താലിബാന്റെ പുതിയ പ്രധാനമന്ത്രിയായ മുഹമ്മദ് ഹസന് അഖുന്താണ് രാവിലെ 11 മണിക്ക് കൊടി ഉയര്ത്തിയത്. ഇത് 33 അംഗ താലിബാന് കാവല് സര്ക്കാരിന്റെ ഔദ്യോഗിക പ്രവര്ത്തനോദ്ഘാടനമായി മാറി.
അമേരിക്കയില് 9-11 ഭീകരാക്രമണം നടന്നതിന്റെ 20 വാര്ഷിക ദിനമായ ശനിയാഴ്ച അധികാരമേറ്റെടുത്തത് വരാനിരിക്കുന്ന ദുസ്സൂചനകളുടെ തുടക്കമായി.
