പത്തനാപുരം: അവാര്ഡിന് യോഗ്യമായ സീരിയല് ഇല്ലെന്ന സംസ്ഥാന ടെലിവിഷന് അവാര്ഡ് ജൂറിയുടെ നിലപാടിനെതിരെ കെ.ബി.ഗണേഷ് കുമാര് എംഎല്എ. മലയാളി പ്രേക്ഷകരുടെ ആസ്വാദന നിലവാരത്തെ കളിയാക്കുന്നതാണ് ജൂറിയുടെ നിലപാടെന്ന് ഗണേഷ് കുമാര് പറഞ്ഞു.
അപേക്ഷ ക്ഷണിച്ചിട്ട് അവാര്ഡ് നല്കാതിരുന്നത് തെറ്റാണെന്നും ടെലിവിഷന് അഭിനേതാക്കളുടെ സംഘടനയായ ആത്മയുടെ പ്രസിഡന്റായ ഗണേഷ് കുമാര് പറഞ്ഞു. അവാര്ഡിന് യോഗ്യമായ സീരിയല് ഇല്ലെന്ന ജൂറി കണ്ടെത്തല് മര്യാദകേടാണ്. കേരളത്തിലെ പ്രേക്ഷകരുടെ ആസ്വാദന നിലവാരത്തെ ജൂറി കളിയാക്കുകയാണ്.
മരിക്കുന്നതിന് തലേന്നും ടെലിവിഷന് സീരിയല് ആസ്വദിച്ചയാളാണ് തന്റെ പിതാവ് ആര്.ബാലകൃഷ്ണപിള്ള. അപേക്ഷ ക്ഷണിച്ച ശേഷം അവാര്ഡ് നല്കാതിരിക്കുന്നത് ശരിയല്ല. അങ്ങനെയാണെങ്കില് മികച്ച സീരിയലിന് അപേക്ഷ ക്ഷണിക്കരുതായിരുന്നെന്നും അദ്ദേഹം പറഞ്ഞു.
