മലപ്പുറം: പ്രായപൂര്ത്തിയാകാത്ത പെണ്കുട്ടി ഗര്ഭിണിയായ സംഭവത്തില് ജയിലിലായ പതിനെട്ടുകാരന് ജാമ്യം നല്കി പോക്സോ കോടതി. ഡിഎന്എ ഫലം നെഗറ്റീവായതോടെയാണ് കഴിഞ്ഞ 35 ദിവസമായി ജയിലില് കഴിയുകയായിരുന്ന മലപ്പുറം തെന്നല സ്വദേശിയായ പ്ലസ്ടു വിദ്യാര്ത്ഥി ശ്രീനാഥിന് ജാമ്യം ലഭിച്ചത്.
പെണ്കുട്ടിയുടെ മൊഴിപ്രകാരമായിരുന്നു ശ്രീനാഥ് അറസ്റ്റിലായത്. ജൂണ് 22ന് ശ്രീനാഥ റിമാന്ഡിലായി. അതിനിടെ ഡിഎന്എ പരിശോധനക്ക് സാമ്പിളും അയച്ചിരുന്നു. കഴിഞ്ഞ ദിവസം ഫലം നെഗറ്റീവാണെന്ന് തെളിഞ്ഞു. ഇതിന് പിന്നാലെ സ്വന്തം ജാമ്യത്തില് ശ്രീനാഥിനെ പോക്സോ കോടതി വിട്ടയക്കുകയായിരുന്നു.
കോടതിയുടെ പ്രത്യേക നിര്ദേശ പ്രകാരം തിരൂര് സബ് ജയിലില് നിന്നും ശ്രീനാഥിനെ മണിക്കൂറുകള്ക്കുള്ളില് പുറത്തിറക്കി. പോക്സോ കൂടാതെ ഐപിസിയിലെ നിരവധി വകുപ്പുകളും ശ്രീനാഥിനെതിരെ ചുമത്തിയിട്ടുണ്ട്. കേസില് വിശദമായ പുനരന്വേഷണത്തിന് ഒരുങ്ങുകയാണ് പോലീസ്. താനും പെണ്കുട്ടിയുമായി ഒരു വര്ഷത്തെ പരിചയം മാത്രമാണ് ഉണ്ടായിരുന്നത്. തെറ്റുചെയ്യാത്തതിനാല് തനിക്ക് പേടിയില്ലെന്നും ശ്രീനാഥ് പ്രതികരിച്ചു.
