പത്തനാപുരം: പട്ടാഴി കാട്ടാമല കുളപ്പാറ കുക്കുഴിയില്‍ കരടിയെ കണ്ടതിന് പിന്നാലെ മൈലാടുംപാറയിലും കരടിയെ കണ്ടതായി നാട്ടുകാര്‍. പന്തപ്ലാവ്, എല്‍.പി സ്‌കൂളിന് അടുത്തുള്ള പശുവളര്‍ത്തല്‍ കേന്ദ്രത്തിന് സമീപം വെള്ളിയാഴ്ച രാത്രിയാണ് കരടിയെ കണ്ടതായി പ്രദേശവാസികള്‍ പറയുന്നത്.
കരടിയുടേതെന്ന് സംശയിക്കുന്ന കാല്‍പ്പാടുകളും കണ്ടെത്തി. മൂന്ന് ദിവസം മുന്‍പ് ടാപ്പിങ് തൊഴിലാളിയായ സതീഷ് വീടിന് സമീപത്തായി കരടിയെ കണ്ടിരുന്നു. ശബ്ദംകേട്ട് ടോര്‍ച്ച് തെളിച്ചപ്പോള്‍ കരടി ഓടിപ്പോകുകയായിരുന്നു.
പരിഭ്രാന്തനായ സതീഷ് വീട്ടില്‍ക്കയറി കതകടച്ചശേഷം നാട്ടുകാരെയും പത്തനാപുരം വനം റേഞ്ച് ഓഫീസിലും വിവരം അറിയിച്ചിരുന്നു. തുടര്‍ച്ചയായി കരടിയെ കണ്ടതായുളള വാര്‍ത്തകള്‍ പ്രചരിക്കുന്നതോടെ ആശങ്കയിലാണ് പ്രദേശവാസികള്‍. വീടിന് പുറത്തിറങ്ങാന്‍ പോലും ഇവിടെയുള്ളവര്‍ ഭയപ്പെടുയാണ്.
പ്രതികരിക്കാൻ ഇവിടെ എഴുതുക: