ന്യൂദല്‍ഹി: ഒളിംപിക്‌സ് ഫൈനല്‍ മത്സരത്തിനിടെ പാകിസ്താന് താരം തന്റെ ജാവ്ലിനെ കൈക്കലാക്കിയെന്ന വെളിപ്പെടുത്തലുമായി സ്വര്‍ണ മെഡല്‍ ജേതാവ് നീരജ് ചോപ്ര. പാകിസ്താന് വേണ്ടി മത്സരിച്ച അര്‍ഷാദ് നദീം ആണ് നീരജിന്റെ ജാവലിന്‍ കൈക്കലാക്കിയത്. നീരജ് ചോപ്ര ടൈംസ് ഓഫ് ഇന്ത്യക്ക് നല്‍കിയ അഭിമുഖത്തിലാണ് ഇക്കാര്യം വെളിപ്പെടുത്തിയത്. ഇതിനു പിന്നാലെ സംഭവത്തിന്റെ വീഡിയോ സോഷ്യല്‍ മീഡിയയില്‍ വൈറലായി. ഫൈനല്‍സ് ആരംഭിക്കുന്നതിന് മുന്‍പ് തന്റെ ജാവ്ലിന്‍ കാണാതെ പോയിരുന്നു. ഏറെ നേരം അന്വേഷിച്ചിട്ടും കണ്ടെത്താനായില്ല. പിന്നീട് നോക്കിയപ്പോഴാണ് അര്‍ഷാദ് നദീം ജാവ്ലിനെ ചുറ്റിപ്പറ്റി നില്‍ക്കുന്നത് ശ്രദ്ധയില്‍ പെട്ടത്.
തുടര്‍ന്ന് തന്റെ ജാവലിന്‍ തിരികെ ആവശ്യപ്പെട്ടപ്പോള്‍ അര്‍ഷാദ് അത് തിരികെ നല്‍കിയെന്ന് നീരജ് പറഞ്ഞു. അത് കാരണമാണ് ആദ്യ ശ്രമത്തില്‍ താന്‍ പെട്ടെന്ന് തന്നെ ജാവ്ലിന്‍ എടുത്ത് എറിഞ്ഞത് എന്നും താരം പറഞ്ഞു. ഒളിമ്പിക്സ് മത്സരത്തില്‍ പാക് താരം അര്‍ഷാദും മികച്ച പ്രകടനമാണ് കാഴ്ചവെച്ചത്. ഇത് പാകിസ്താന് വലിയ രീതിയിലുള്ള പ്രചോദനം നല്‍കുമെന്നും നീരജ് ചോപ്ര അഭിമുഖത്തില്‍ പറഞ്ഞു.
പ്രതികരിക്കാൻ ഇവിടെ എഴുതുക: