കൊച്ചി: ടോക്കിയോ ഒളിമ്പിക്സ് 2020ല് വെങ്കലമെഡല് നേടി ഭാരതത്തിന്റെ അഭിമാനമായ ഹോക്കി ടീമംഗം പി.ആര്. ശ്രീജേഷിനെ രാഷ്ട്രീയ സ്വയംസേവക സംഘം ആദരിച്ചു. ആര്എസ്എസ് പ്രാന്തകാര്യവാഹ് പി.എന് ഈശ്വരന്, സഹ പ്രാന്ത പ്രചാരക് എസ്.സുദര്ശന്, പ്രാന്ത സമ്പര്ക്ക പ്രമുഖ് എ. ജയകുമാര് തുടങ്ങിയവരാണ് മലയാളിതാരം ശ്രീജേഷിന്റെ വീട്ടിലെത്തി അഭിനന്ദനങ്ങള് അറിയിച്ചത്.
ആര്.എസ്.എസ് പ്രാന്ത കാര്യവാഹ് പി.എന് ഈശ്വരന് ശ്രീജേഷിനെ പൊന്നാടയണിയിക്കുകയും ആര്എസ്എസ് സര്സംഘചാലക് മോഹന് ഭാഗവതിന്റെ പ്രഭാഷണങ്ങളുടെ സമാഹാരവും അദ്ദേഹത്തിന് സമ്മാനിച്ചു. ഒളിമ്പിക്സ് സമാപനത്തിനു ശേഷം കഴിഞ്ഞ ദിവസമാണ് ശ്രീജേഷ് നാട്ടിലെത്തിയത്. മമ്മൂട്ടിയുള്പ്പെടെ സമൂഹത്തിന്റെ വിവിധ മേഖലകളിലെ പ്രമുഖര് അദ്ദേഹത്തെ അഭിനന്ദിക്കാന് വീട്ടിലെത്തിയിരുന്നു. ഒളിമ്പിക്സില് ഇന്ത്യയ്ക്ക് വെങ്കലമെഡല് നേടാന് നിര്ണായക പങ്കാണ് ഗോള്കീപ്പര് എന്ന നിലയില് ശ്രീജേഷ് വഹിച്ചത്.
