പാലക്കാട്: ഭൂമിതര്ക്കത്തിന്റെ പേരില് അട്ടപ്പാടിയില് ഭീകരാന്തരം സൃഷ്ടിച്ച് ആദിവാസി ഊരുമൂപ്പനെ അറസ്റ്റ് ചെയ്തതായി ആരോപണം. ഭൂമിതര്ക്കത്തിന്റെ പേരില് ആദിവാസി മൂപ്പനായ ചൊറിയമൂപ്പന് ബന്ധുവിനെ മര്ദിച്ചെന്ന കേസിലാണ് പൊലീസ് ഇടപെട്ടത്. ഞായറാഴ്ച രാവിലെ ഷോളയൂര് വട്ടലക്കി ഊരിലായിരുന്നു സംഭവം.
കേസില് ഊരുമൂപ്പനേയും മകനെയും അറസ്റ്റ് ചെയ്യാനാണ് പൊലീസ് ഊരില് എത്തിയത്. ഭൂമിതര്ക്കവുമായി ബന്ധപ്പെട്ട് ഊരിലെത്തിയ പോലീസ് ചൊറിയമൂപ്പനേയും മകന് മുരുകനെയും മര്ദിച്ചു. ഇവരെ ബലം പ്രയോഗിച്ച് പോലീസ് ജീപ്പില് കയറ്റാനുള്ള ശ്രമം നാട്ടുകാര് തടഞ്ഞതോടെയാണ് സംഘര്ഷത്തില് കലാശിച്ചു.
മുരുകന്റെ 17 വയസുള്ള മകന്റെ മുഖത്ത് പോലീസ് അടിച്ചു. സ്ത്രീകള് അടക്കമുള്ളവരെ വലിച്ചുമാറ്റി. പിന്നീട് ബലം പ്രയോഗിച്ച് ചൊറിയമൂപ്പനേയും മുരുകനെയും ജീപ്പില് കയറ്റിക്കൊണ്ടുപോയി. കേസില് പ്രതികളെ കസ്റ്റഡിയിലെടുക്കാനാണ് പോലീസ് സ്ഥലത്തെത്തിയത്. സംഭവത്തില് ദളിത്-ആദിവാസി സംഘടനകള് പോലീസ് സ്റ്റേഷനുമുന്നില് പ്രതിഷേധിക്കുകയാണ്.
